RuRu Tapas Restaurant (Closed)

今日嚟咗呢間喺大角咀嘅西班牙菜餐廳，迎來幾個月久違嘅晚餐時間，終於可以出街食啦。前菜我哋揀咗個西班牙蛋餅同埋紅酒辣肉腸配全麥麵包。金黃金黃嘅蛋餅薯仔一層層好豐富嘅口感，最想最想讚讚嘅係個紅酒辣肉腸，個紅酒汁好濃好香，食埋個肉腸再用麵包點埋嚟食真係一汁都唔好浪費。主菜就係白酒辣蜆肉意大利麵，辣味係嚟自炒香咗嘅chorizo，相對其他用香料帶辣味出嚟嘅層次再豐富好多，佢啲蜆大大粒脹卜卜好新鮮🤤同埋個意粉炒出嚟係好靚，條條都令立立夠哂味。