Backyard (Closed)

這餐廳的晚餐套餐有不同的選擇，其中的這個廚師推介不知是什麼？所以問下服務員，服務員回應是澳洲牛扒 ，我對牛情有獨鍾。所以便叫了一客廚師推介套餐，先來一客羅宋湯，湯味道濃郁，有不同的香料在湯內，而非平時飲開的羅宋湯味道，冇咁酸唔錯。套餐有頭盤炸海鮮春卷沙律配芒果莎莎醬，外皮幾香脆，配沙律菜 中和油膩感。主菜牛扒上枱，七成熟，佢唔係入口即溶嗰種，而係要啃幾下， 越啃越有牛味， 唔會有渣口感唔錯，份量唔會太大份，一個人啱啱好。甜品顏色奪目，味道甜中帶微微的酸，應該是面頭的紅色果醬關係吧，甜品很鬆軟，整體唔錯。廚師推介是不錯的選擇，將當日最時令的食材推介俾食客，反而畀到我驚喜。