Video
Read full review
2023-05-12
80 views
近排愛上咗食鐵板燒，今次去尖沙咀試下個鐵板燒午市廚師發辦套餐，套餐包括前菜、沙律、味噌湯、茶碗蒸、時令海鮮6款、美國牛肉厚燒或黑豚肉、特色炒飯同甜品，咁多海鮮真係啱曬我！沙律/前菜明太子沙律香口微辛，味道鮮美，口感豐富。藜麥沙律健康有益，醬汁酸酸地幾開胃。茶碗蒸茶碗蒸蛋味香濃，入口順滑，上面舖滿海膽，入口鮮甜無比。日本天使蝦他他上枱時充滿仙氣，賣相相當吸引，蝦肉爽口彈牙，上面舖滿日本飛魚籽，食落口感清脆，層次感豐富。加拿大銀鱈魚 魚皮煎到非常香脆，魚肉煎到外面焦香，內裡嫩滑，入口油脂感豐富，配有馬山椒汁，甜甜地幾好食。日本帆立貝帆立貝火喉控制得宜，外面煎至金黃色，內裡新鮮軟滑，配羊肚菌鮟鱇魚肝醬，為這道菜提鮮不少。鐵板大虎蝦蝦肉入口扎實彈牙，配上海膽松露醬，味道香濃鮮美！清酒煮地蛤湯地蛤大隻肉厚，食落無沙，湯頭淡淡清酒香氣，配上舞茸菇散發陣陣菌香。美國牛肉厚燒牛肉選擇咗5成熟，肉質好粉嫩，食落牛味濃郁，配上昆布鹽、自家製麵豉醬同炸蒜片，可隨自己喜好配搭，食出不同嘅滋味。特色炒飯炒飯粒粒分明，每粒飯都被蛋包裹著，蛋味香濃，加入櫻花蝦同蔥粒，食落特別香口。味噌湯/精美甜品最後食返個朱古力芝
沙律/前菜
明太子沙律香口微辛，味道鮮美，口感豐富。藜麥沙律健康有益，醬汁酸酸地幾開胃。
茶碗蒸
茶碗蒸蛋味香濃，入口順滑，上面舖滿海膽，入口鮮甜無比。
日本天使蝦他他
上枱時充滿仙氣，賣相相當吸引，蝦肉爽口彈牙，上面舖滿日本飛魚籽，食落口感清脆，層次感豐富。
加拿大銀鱈魚
魚皮煎到非常香脆，魚肉煎到外面焦香，內裡嫩滑，入口油脂感豐富，配有馬山椒汁，甜甜地幾好食。
日本帆立貝
帆立貝火喉控制得宜，外面煎至金黃色，內裡新鮮軟滑，配羊肚菌鮟鱇魚肝醬，為這道菜提鮮不少。
鐵板大虎蝦
蝦肉入口扎實彈牙，配上海膽松露醬，味道香濃鮮美！
清酒煮地蛤湯
地蛤大隻肉厚，食落無沙，湯頭淡淡清酒香氣，配上舞茸菇散發陣陣菌香。
美國牛肉厚燒
牛肉選擇咗5成熟，肉質好粉嫩，食落牛味濃郁，配上昆布鹽、自家製麵豉醬同炸蒜片，可隨自己喜好配搭，食出不同嘅滋味。
特色炒飯
炒飯粒粒分明，每粒飯都被蛋包裹著，蛋味香濃，加入櫻花蝦同蔥粒，食落特別香口。
味噌湯/精美甜品
最後食返個朱古力芝士蛋糕做完結，呢餐十分滿足。
Post
