Video
Read full review
2019-09-23
739 views
好似未有食評寫佢地個廚師發辦 但絕對值得推介👍🏻星期六晚朋友請食生日飯 因為之前食過佢地既丼 覺得幾唔錯 今勻就膽粗粗試下佢地個更貴既廚師發辦 朋友做老闆 我樂意奉陪😬六點半到達 客人不多 被安排坐係廚師面前既bar枱 廚師jason一見面就介紹今晚重點食物 再問有無唔食既野 就去做準備 隔左一陣 侍應奉上一碟鱈魚乾食住先 因為海鮮剛剛到 廚師要處理下無耐廚師歸位 廚師發辦開始 先黎前菜 沖繩海帶加靜岡蕃茄 味道酸酸既醋汁海帶 加埋略帶甜味既蕃茄 酸酸甜甜 開哂胃跟住就係新鮮日本生蠔 上枱時見到個樣脹卜卜 好新鮮 食落好creamy好甜 唔太大隻 岩岩好黎一片右口魚 廚師話岩岩北海道新鮮運到 肥美到不得了 好欣賞呢樹既漬物 好多花款 日本炸菜真係第一次食石垣貝 廚師切成兩重 有片有粒 各有唔同口應 我喜歡切片 夠爽第一重頭戲 鮟鱇魚肝 查實我麻麻地 但廚師誠意推介 用秘製醬料慢煮 入口好軟滑 無腥味 竟然係越食越好食日本鮑魚 廚師用左木魚 昆布湯 加入本菇 蘿白同煮 鮑魚軟滑 夠哂入味 不過蘿白實在咸左少少 廚師話下次可以輕手d食食下又比左個小食 兩片加左蛋黃既魚子 燒過好香 咸咸地好
星期六晚朋友請食生日飯 因為之前食過佢地既丼 覺得幾唔錯 今勻就膽粗粗試下佢地個更貴既廚師發辦 朋友做老闆 我樂意奉陪😬
六點半到達 客人不多 被安排坐係廚師面前既bar枱 廚師jason一見面就介紹今晚重點食物 再問有無唔食既野 就去做準備 隔左一陣 侍應奉上一碟鱈魚乾食住先 因為海鮮剛剛到 廚師要處理下
無耐廚師歸位 廚師發辦開始 先黎前菜 沖繩海帶加靜岡蕃茄 味道酸酸既醋汁海帶 加埋略帶甜味既蕃茄 酸酸甜甜 開哂胃
跟住就係新鮮日本生蠔 上枱時見到個樣脹卜卜 好新鮮 食落好creamy好甜 唔太大隻 岩岩好
黎一片右口魚 廚師話岩岩北海道新鮮運到 肥美到不得了
好欣賞呢樹既漬物 好多花款 日本炸菜真係第一次食
石垣貝 廚師切成兩重 有片有粒 各有唔同口應 我喜歡切片 夠爽
第一重頭戲 鮟鱇魚肝 查實我麻麻地 但廚師誠意推介 用秘製醬料慢煮 入口好軟滑 無腥味 竟然係越食越好食
日本鮑魚 廚師用左木魚 昆布湯 加入本菇 蘿白同煮 鮑魚軟滑 夠哂入味 不過蘿白實在咸左少少 廚師話下次可以輕手d
食食下又比左個小食 兩片加左蛋黃既魚子 燒過好香 咸咸地好岩送酒
再黎就係大大隻既北海道帶子 燒香左既帶子特別有甜味
炸富山白蝦仔 又係送酒一流 唔會好乾 食得出甜味
接住黎左十件握壽司 用上特製赤醋飯 突顯左每件魚生既鮮味 天衣無縫既配搭 最後一件最愛既海膽壽司 都差點飽到食唔落 好彩碗湯係大蜆清湯 唔係麵豉湯 唔係既話應該飲唔落
甜品係巨𡶶提子 用一塊雪米糍皮包起 但感覺略為普通 可以諗下點樣搞搞佢 令入口個刻有嘩一聲感覺
尾聲真係飽到要奉住個肚行 跟廚師jason閒聊 我既感覺係佢地應該擁有更多識欣賞廚師發辦既客人 可能係宣傳不足吧 但你地絕對好過好多壽司mud壽司物 加油吧
P.s openrice限上傳12張相 所以後面壽司 湯 甜品未能奉上相片
Post
