Video
Read full review
2022-10-28
52 views
前菜係生菜沙律，入面除左有牛油果，蕃茄仔，青瓜，重點係佢地既秘製醬汁, 炸蒜蓉混合黑醋蜜糖，炸蒜蓉又香又脆, 醬汁酸甜適中, 作為開胃菜, 非常成功咁增加食慾。茶碗蒸🥚入面材料好足, 除左加入木耳，銀杏，小香菇,仲有燒年糕加左入去增加口感, 芡汁由小貝柱淆制而成, 最特別左柚子皮落去。冇諗到茶碗蒸同柚子皮香味係咁夾, 比係出面食到既茶碗蒸多一重層次感。今次季節刺身有三款，包括：青森縣左口魚，北海道響螺同京都青魚。左口魚同青魚表皮烤過, 所以食個時會有淡淡既燒薰味香味十足, 但得一提係同刺身一齊上既紫蘇花,師傅建議除左就咁享用之外, 仲可以放落醬油到, 會令醬油有淡淡花香, 果然紫蘇花好快出到味,有花香既醬油真係第一次食, 同料理既味道提升到另一個層次。壽司六貫🍣，包括：深海池魚壽司、北海道鰤魚壽司、甜蝦壽司、熟成十日中拖羅壽司、秋刀魚壽司、北海道馬糞海膽壽司。每一道魚壽司都食得出食材好新鮮, 拖羅更加係入口即溶, 甜蝦壽司聽落去好普通, 但反而令我最回味既一件, 甜蝦壽司上面加左甜蝦蓉, 口感當然會更加豐富, 今次呢一款甜蝦超級creamy, 作為甜蝦愛好者, 真係要比佢100分。北海
茶碗蒸🥚入面材料好足, 除左加入木耳，銀杏，小香菇,仲有燒年糕加左入去增加口感, 芡汁由小貝柱淆制而成, 最特別左柚子皮落去。冇諗到茶碗蒸同柚子皮香味係咁夾, 比係出面食到既茶碗蒸多一重層次感。
今次季節刺身有三款，包括：青森縣左口魚，北海道響螺同京都青魚。左口魚同青魚表皮烤過, 所以食個時會有淡淡既燒薰味香味十足, 但得一提係同刺身一齊上既紫蘇花,師傅建議除左就咁享用之外, 仲可以放落醬油到, 會令醬油有淡淡花香, 果然紫蘇花好快出到味,有花香既醬油真係第一次食, 同料理既味道提升到另一個層次。
壽司六貫🍣，包括：深海池魚壽司、北海道鰤魚壽司、甜蝦壽司、熟成十日中拖羅壽司、秋刀魚壽司、北海道馬糞海膽壽司。每一道魚壽司都食得出食材好新鮮, 拖羅更加係入口即溶, 甜蝦壽司聽落去好普通, 但反而令我最回味既一件, 甜蝦壽司上面加左甜蝦蓉, 口感當然會更加豐富, 今次呢一款甜蝦超級creamy, 作為甜蝦愛好者, 真係要比佢100分。北海道馬糞海膽味道濃郁又甘甜,係近期食過最鮮甜嘅海膽 。
干飄卷物
干飄由日本葫蘆瓜刨成細絲, 再用糖、鹽、豉油、味醂同油醃製, 師傅好細心, 見到係女士享用會將卷物切細件D, 方便享用。
目干魚南瓜Tempura
醬汁係用左櫻花蝦同木魚浸左三日而成, 目干魚炸到香口但唔油膩, 南瓜可以試下就咁食, 試下食物既原味, 就算唔落任何醬汁或鹽, 都已經好甜, 因為食材夠新解同優質。
🥣麵豉湯係用赤麵豉同白麵豉煮成, 加上日本豆腐,紫菜,滑子菇同蔥,咸淡適中, 飲多D都唔會想飲水。
甜品有雪糕🍨首選大推薑味同杏仁咖啡味, 薑味雪糕一般係市面都比較少見, 絕對值得一試。因為雪糕由牛奶製成, 加埋薑味有D似薑味撞奶, 薑原有微微既辣味變成雪糕, 真係非常正
值得一提既係呢到既薑漬物, 薑漬物其實係比大家每食完一道菜既時候清新一下味蕾,一般食店既薑漬物都會比較酸或辛辣，而呢到既薑漬物係由師傅特別再醋、糖再調過味, 真係食到停唔到口。一間連漬物都咁用心製作既食店, 絕對係值得支持👍🏻
Post
