Video
Read full review
2020-07-06
1762 views
又係一個月黑風高內臟夜，聽聞呢度有古法焗魚腸，我內臟俠緊係要去探一探虛實啦！但我好失策，竟然食完返嚟，𥄫下其他人嘀食評，先知道佢有火爆炒雞子！靠！好想食呀！係香港食雞子係會俾人鄙視，尤其打邊爐，一叫親～實有人陰陽怪氣，話你核突講真！我咁鍾意食內臟，連雞子呢嘀入門版都唔食，我仲洗出嚟行？唉～又扯遠咗！講下嘀餸先！黎得梗係要叫佢個焗魚腸啦！噫？上菜先發現佢個魚腸係煎㗎喎！唔打緊，好餓，食咗先講！嘩！好掂喎！個蛋唔老又夠乾身！夾雜住大量香蔥，A？脆脆地嘅？佢竟然加咗蛇羹入邊嘅薄脆呀！妙也～妙也～魚腸洗得乾淨，唔會有澀呢個味 會stay响你條俐，份量又夠多！值得叫呀！之後到韭菜花炒豬什，韭菜花夠嫩，豬什夠多又夠新鮮！火候啱啱好，又夠獲氣！嘀豬什唔韌！又清哂一碟！仲叫咗呢度嘅招牌！炒蓮藕鯪魚餅！！外脆內彈～唔油喎！蓮藕又爽又多！夠晒真材實料呀！佢唔會死實實，塊野好好彈性，唔知係佢個鯪魚膠打得好定有咩獨門秘技！（江湖傳聞佢地自已親手撻！）抵佢做門面擔當嘅～個人覺得自己影得相當有立體感！出邊煎得金黃，格住個mon都聞到彈牙呀椒鹽鮮魷同豉油王鵝腸，一睇就知送酒孖寶啦！佢呢個豉油王鵝腸，就唔係新鮮鵝腸嚟
但我好失策，竟然食完返嚟，𥄫下其他人嘀食評，先知道佢有火爆炒雞子！
靠！好想食呀！係香港食雞子係會俾人鄙視，尤其打邊爐，一叫親～實有人陰陽怪氣，話你核突
講真！我咁鍾意食內臟，連雞子呢嘀入門版都唔食，我仲洗出嚟行？
唉～又扯遠咗！講下嘀餸先！黎得梗係要叫佢個焗魚腸啦！
噫？上菜先發現佢個魚腸係煎㗎喎！唔打緊，好餓，食咗先講！
嘩！好掂喎！個蛋唔老又夠乾身！夾雜住大量香蔥，A？脆脆地嘅？佢竟然加咗蛇羹入邊嘅薄脆呀！妙也～妙也～
魚腸洗得乾淨，唔會有澀呢個味 會stay响你條俐，份量又夠多！值得叫呀！
蔥蛋炒魚腸
73 views
0 likes
0 comments
火候啱啱好，又夠獲氣！嘀豬什唔韌！又清哂一碟！
韭菜花炒豬什
223 views
0 likes
0 comments
佢唔會死實實，塊野好好彈性，唔知係佢個鯪魚膠打得好定有咩獨門秘技！（江湖傳聞佢地自已親手撻！）抵佢做門面擔當嘅～
個人覺得自己影得相當有立體感！出邊煎得金黃，格住個mon都聞到彈牙呀
蓮藕鯪魚餅
41 views
0 likes
0 comments
佢呢個豉油王鵝腸，就唔係新鮮鵝腸嚟！同鹹咗少少又濕咗嘀！
但椒鹽鮮魷正呀！粉漿夠薄脆岳岳！上高再加乾濕蒜，香蔥，辣椒，問你點頂？兩支藍妹丫！
椒鹽鮮魷
62 views
0 likes
0 comments
豉油王鵝腸
67 views
0 likes
0 comments
佢係好有心機，將嘀魚肉起咗，扭成日一朵朵花係條魚隔離，心思係有，但媽呀！好多骨呀！係我唔識食！對唔住
之後重叫咗冬菜牛𦟌同豉油王炒麵，牛𦟌夠軟身，但都係咸左嘀！真係要送飯果隻！齋食冬菜係好香，但牛𦟌腌得太重味！叫得豉油王炒麵，就證明我哋唔夠飽啦！
佢個豉油王炒麵炒得好乾身，一嘀都唔油，個麵又夠爽又多芽菜，有一說一！炒得靚！
炒麵豉油王
58 views
0 likes
0 comments
冬菜牛肉
80 views
0 likes
0 comments
最慘家下嘀舖頭話執就執！嘀廚房又唔知去晒邊，成日左試右試，有時都冇乜心機！
雖然依一間都夠老字號，又夠鑊氣，環境直逼旺角卡門張學友講數場景，但始終唔係我心目中覺得最好食....唔知係以前嘀大排檔加咗時代濾鏡，定我嘴尖咗！
其實煊記係合格㗎！有機會再嚟食一定要試佢個火爆炒雞子
Post
