丼瀛 (Closed)

黎到廟街搵野食，相信大家一定會諗起煲仔飯，大排檔，煎蠔餅呢啲。而今曰同朋友行廟街發現有間唔錯既日本料理店。我地當然入去試下啦。頭盤叫左個香桃蟹子沙律，份量十足，青瓜絲加上蟹子同沙律牆，口感豐富，再加上香桃既味道，口感一流。原條鰻魚，如果中意食鰻魚既人一定要試試，因為佢一般份量超大條，有半隻手咁長，仲要原條燒，肉汁仲保留住，加上燒汁，一大啖大啖放入口，超幸福感覺。主食叫左北海道雜錦爆丼，黑松露海膽炒飯，刺身肥美新鮮，海瞻入唔即溶。炒飯超好味，黑松露既味道入哂啲米入面再加上新鮮海瞻，食到唔同層次既口感。