Browny At Industrial (Closed)

葵芳區廠廈有唔少食堂，但多數以茶餐廳或快餐等形式經營，想在午餐時間悠閒一下放鬆心情，左搵右搵總算比我搵到間可以坐得舒服，放鬆一下返工緊張心情既 browny at industrial!我地一行兩個人就搵左午餐時間上去，佢地有意粉，意大利包，自家制cheese cake，pancake等等食物，飲品方面就有各款有機花茶，各款手調咖啡，單品咖啡等。咁我地呢兩個懶人就點左兩個意大利包，可以自選兩種餡料，我地一個點左吞拿魚加碎蛋，另一個就火腿吞拿魚，個包有烘過所以入口個陣有脆既口感同埋熱熱地，餡料除左點左既兩種之外仲有生菜係入面，仲加埋新鮮既小沙律，味道啱啱好，啱哂我地鍾意食簡簡單單又一餐既人。加18蚊仲可以加配一杯咖啡或花茶，杯cuppacinno味道不錯，係我鍾意飲既甘甘地但係唔酸，泡沫豐厚而且夠哂熱。花茶就係我朋友既，佢揀左白玫瑰花茶，有玫瑰既花香味，但無平時飲紅玫瑰花茶個仲澀澀地既味，而且仲有得加水，真係very nice~而且環境一啲都唔逼，完全可以一邊飲住杯靚靚拉花既咖啡或者花茶hea一下，雖然只係短短放鬆一粒鐘，就要返凡間繼續努力工作，但此處不失為一個可以安逸食返餐晏既好地方。