興記菜館

Open Now

Now Closed

你到廟街興記想食到好食多飯焦嘅煲仔飯， 唔知係要睇你好唔好彩定睇下你點安排食飯嘅時間。 幫襯過兩次。 第一次係喺少人啲嘅星期一夜晚去食嘅。 當時去嘅時候仲可以啲枱枱櫈櫈擺曬出街， 所以唔使等位好快就坐低了。 落單嘅時候同店員講話要多飯焦，店員都有聽入耳記低係落單紙度。粟米雞肉羹份量好足味道幾好味。推介。炒通菜好大一碟。菜夠新鮮，夠鑊氣。 雞肉臘腸煲仔飯飯焦做到啱啱好脆卜卜恰到好處。 臘腸就一般般平價質素 , 可以skip。 第二次去嘅時候係人多要等位嘅時候， 同時因為冇得坐喺街等咗特別耐。 可能因為人多要趕單，煲仔飯嘅質素大不如前， 一啲飯焦都冇。 通菜唔夠新鮮 。 粟米羹都係好味。 等冬天嚟到會再戰。