日日香鵝肉飯店 (和富中心) (Closed)

食開呢間餐廳嘅鵝片飯，味道唔錯鵝肉鮮味。今日心血來潮轉左鵝肉飯，碗飯嚟到發現啲骨仲多過肉。最大問題係啲骨斬到碎晒，食鵝肉每一啖有骨碎不在話下，啲骨碎仲要跌晒落碗飯入邊，每食一啖飯都要拎返啲骨碎出嚟，實在同佢餐牌入邊嗰幅相差好遠。最後同待應反映嘅時候，我都忍唔住問佢：「請問我呢碗係鵝肉飯定係鵝骨飯？」佢話鵝肉飯就係咁嘅，唔想要骨就叫鵝片飯。當個侍應咁樣解釋，就知道依間餐廳冇諗住改。平時食開都滿意，但今日實在唔太好彩，最後趕時間連飯都食唔飽就繼續做嘢。建議叫鵝肉飯套餐前要諗清楚