Video
7-min walk from Exit B, Fortress Hill MTR Station
continue reading
Opening Hours
Mon - Sun
11:30 - 21:30
Above information is for reference only. Please check details with the restaurant.
上次吃過紅磡店,今次經過和富中心見到又心癢癢就走入去食,由於鋪頭喺地庫,人唔算多,坐得非常寬鬆舒適。我哋二人叫咗一個獅頭鵝皇飯同獅頭鵝肉飯,仲加多兩杯飲品。獅頭鵝皇飯好豐富,有鵝片、鵝肝、鵝腸、鹵豆卜、鹵水蛋…希望冇數漏,用一個大碗載曬咁多材料,睇見就流曬口水。我叫嘅獅頭鵝肉飯,分別就係冇咗鵝肝同鵝腸,真係覺得有啲遺憾。首先冇得食好爽口嘅鵝腸!又冇得食潮式鵝肝! 雖然鵝肝size唔大,但係做得唔錯。可惜我心裏面仍然念念不忘想當年喺潮州食嘅鵝肝,入口溶化不油不膩嘅鵝肝,同西式煎鵝肝嘅方法不能相提並論,好神奇嘅口感,真係食到有飄飄然嘅感覺!好似太誇張㖭,總之暫時香港都未揾得到。一邊食飯一邊見到旁邊嘅電視不停loop謝霆鋒同楊千樺,講佢地去食呢間鹵水鵝嘅節目片段,仲有大大嘅poster,寫住"澄海鹵",係國家非物質文化遺產喎!我諗呢間鋪頭喺國內真係唔惹少,香港仲有好幾間分店。呢間舖頭諗到用碟頭飯嘅形式賣鹵水鵝,經濟實惠,啱曬我呢啲有時想食鹵水鵝,又唔想買半隻咁多嘅人。整體食物水準真係唔錯,如果唔係我都唔會番食其他分店啦。
continue reading
食開呢間餐廳嘅鵝片飯，味道唔錯鵝肉鮮味。今日心血來潮轉左鵝肉飯，碗飯嚟到發現啲骨仲多過肉。最大問題係啲骨斬到碎晒，食鵝肉每一啖有骨碎不在話下，啲骨碎仲要跌晒落碗飯入邊，每食一啖飯都要拎返啲骨碎出嚟，實在同佢餐牌入邊嗰幅相差好遠。最後同待應反映嘅時候，我都忍唔住問佢：「請問我呢碗係鵝肉飯定係鵝骨飯？」佢話鵝肉飯就係咁嘅，唔想要骨就叫鵝片飯。當個侍應咁樣解釋，就知道依間餐廳冇諗住改。平時食開都滿意，但今日實在唔太好彩，最後趕時間連飯都食唔飽就繼續做嘢。建議叫鵝肉飯套餐前要諗清楚
continue reading
5月7日中午去到和富中心地庫商場找東西吃，看見日日香這名字很有趣，之前見到這店的時候想幫襯，只是因為去購物沒有時間。今天點了午餐無骨豬手飯，鵝片飯 。份量適中食了味道很好，最有驚喜的就是配菜有炸魚條，半隻蛋，青菜及鹹酸菜，覺得很用心機去做。人客不多，但招呼很好，我會再來的。
continue reading
同屋企人撐枱腳，於是就去咗屋企附近嘅呢一間餐廳食飯，有一個好抵食嘅二人套餐都只係$288！呢一度嘅滷水拼盤真係好好食，燒鵝髀啖啖肉，而且呢度嘅滷水汁非常之香，唔會係好鹹嗰隻！滷味拼盤仲有豬腸，豆腐，滷蛋，紅腸，真係非常之豐富，用嚟送飯真係一流
continue reading
跟朋友黎到北角搵食，佢好燒味，所以黎咗呢間專食鵝嘅。感覺都幾新鮮。由於唔想諗嘢，所以隨便揀咗兩個有鵝嘅套餐就等食了。先上滷水鵝脾瀨粉，賣相相當唔錯，上碟時亦有陣陣燒味味，令人食旨大動。為方便食，師傅已切件，易夾。食落無想像咁韌，皮有啲脆，頗有驚喜。旁邊仲有豆腐豆卜同埋蛋呢啲滷水嘢解下膩，幾好。再上特級滷水鵝皇米粉，有鵝片鵝腎鵝肝鵝腸鵝蛋，真係俾你試齊哂。自己麻麻地肝腎呢啲食落好粉嘅，但一場黎到都試下，佢比想像中實啲，啱我呢啲驚粉嘅人。鵝片相當腍，有驚喜。最驚喜係鵝腸，勁爽又彈牙，忍唔住一條接一條咁食。呢間份量頗多，所以唔好俾價錢嚇親，佢堅足料！
continue reading