Video
Read full review
2018-03-16
249 views
中西合璧嘅餐廳係坊間有唔少，點樣先至可以溝得埋一齊突出造型，有特定定位而又唔突兀？我覺得今日呢間餐廳就做得到。食完晚餐特登搭車過嚟中環就係想試吓呢度特別嘅cocktail。唔好心急，睇下環境先。我地今日坐bar table，無緣去餐廳個邊，兩部分用一條長走廊分割，走廊就係廁所所在地。首先出場嘅係CHILDHOOD MEMORY：維他奶入樽，係容量上首先贏左，而且即刻挑起兒時回憶，只係當年HKD2就有枝仲要熱辣辣，呢枝就要HKD1xx，價錢唔記得啦。味道方面Baileys味道係有既，不過唔多，味道偏甜，慢慢飲都可以飲一段時間，係幾得意既。之後係24咩咩（唔記得名），細細一杯，真係幾啖飲完。味道就幾獨特，有陣廿四味味道，但岀乎意料之外係同其他味道夾到，少少中藥味，少少酸，，微微的甜，再加淡淡的酒味，整杯好和諧，順口，係飲到最後有D苦味～話你知係真係有廿四味響入面！環境都係中撞西，飲完兩杯轉場再飲第二間。最後兩杯店家送既，好酸，正！
食完晚餐特登搭車過嚟中環就係想試吓呢度特別嘅cocktail。
唔好心急，睇下環境先。我地今日坐bar table，無緣去餐廳個邊，兩部分用一條長走廊分割，走廊就係廁所所在地。
首先出場嘅係CHILDHOOD MEMORY：維他奶入樽，係容量上首先贏左，而且即刻挑起兒時回憶，只係當年HKD2就有枝仲要熱辣辣，呢枝就要HKD1xx，價錢唔記得啦。味道方面Baileys味道係有既，不過唔多，味道偏甜，慢慢飲都可以飲一段時間，係幾得意既。
之後係24咩咩（唔記得名），細細一杯，真係幾啖飲完。味道就幾獨特，有陣廿四味味道，但岀乎意料之外係同其他味道夾到，少少中藥味，少少酸，，微微的甜，再加淡淡的酒味，整杯好和諧，順口，係飲到最後有D苦味～話你知係真係有廿四味響入面！
環境都係中撞西，飲完兩杯轉場再飲第二間。最後兩杯店家送既，好酸，正！
Post
