Video
Read full review
2018-07-19
3838 views
月頭聽阿蘇在電台節目大玩派訪問利寶閣話事人，原來利寶閣已經20年了。節目當中，阿蘇大讚特讚個經典叉燒煎蛋飯，適逢廿周年，酒樓更推出午市價廿蚊有得食。午市，我邊有時間走去食呀? 但係又真係好想去食，唯有晚市走去食。今晚趁 Honey 做完 facial，就上嚟The One 利寶閣，都頗多人，莫非和我一樣慕名而來? 嘩! 啲水晶燈好有氣派啊!仲有海景位添 (雖然我哋對唔正)。茶杯、碗、碟都好講究，好精美。普洱茶非常香淳。酸菜都幾好食，唔太酸，但非常開胃。睇菜牌見到一個例牌谷飼豚肉叉燒價錢係$128，而一個佛跳牆就係$148，之不過，一個優惠餐 “谷飼豚肉叉燒 + 佛跳醬” 只係$188，識食梗係食優惠餐啦。再叫多兩個小菜就夠食喇。【谷飼豚肉叉燒飯】這個絕對係經典。記得我細細個時，媽子間唔中會叫我去樓下街市買餐叉燒斬料加送，嗰陣時，有叉燒食係好幸福。依家人大咗，想食叉燒時，多數去太興或美心，總覺得比唔上細個嗰陣食嗰啲。今晚食到這個叉燒，感覺番咗嚟，好好食，又腍又香。另外，就係有隻太陽蛋跟埋個叉燒飯，係煎到燶邊嗰種，即係阿蘇成日在煮餸節目時提到一隻煎蛋必需要達到的水準。我就覺得，除咗個蛋邊
今晚趁 Honey 做完 facial，就上嚟The One 利寶閣，都頗多人，莫非和我一樣慕名而來? 嘩! 啲水晶燈好有氣派啊!
仲有海景位添 (雖然我哋對唔正)。
茶杯、碗、碟都好講究，好精美。普洱茶非常香淳。酸菜都幾好食，唔太酸，但非常開胃。
睇菜牌見到一個例牌谷飼豚肉叉燒價錢係$128，而一個佛跳牆就係$148，之不過，一個優惠餐 “谷飼豚肉叉燒 + 佛跳醬” 只係$188，識食梗係食優惠餐啦。再叫多兩個小菜就夠食喇。
【谷飼豚肉叉燒飯】
谷飼豚肉叉燒飯
28 views
0 likes
0 comments
這個絕對係經典。記得我細細個時，媽子間唔中會叫我去樓下街市買餐叉燒斬料加送，嗰陣時，有叉燒食係好幸福。依家人大咗，想食叉燒時，多數去太興或美心，總覺得比唔上細個嗰陣食嗰啲。今晚食到這個叉燒，感覺番咗嚟，好好食，又腍又香。
另外，就係有隻太陽蛋跟埋個叉燒飯，係煎到燶邊嗰種，即係阿蘇成日在煮餸節目時提到一隻煎蛋必需要達到的水準。我就覺得，除咗個蛋邊燶之外，隻蛋黃竟然可以煎到脹卜卜先至犀利，好唔捨得將佢篤來撈飯。
【佛跳牆】
佛跳牆
47 views
0 likes
0 comments
唔係成日會食。這裡的佛跳牆非常足料，有鮑魚、花膠、魚翅、雞腳、冬菇和痩肉， 無味精，火喉好，好正!【碧綠炒斑球】
好夠鑊氣。冇花冇假，係石斑塊，啲班塊煎得剛好，啖啖肉，好味道。配菜的炒翠玉瓜和什菇，味道都唔錯。
碧綠炒斑球
36 views
0 likes
0 comments
【南乳素齋煲】
南乳素齋煲
28 views
0 likes
0 comments
最後，還贈送甜品，係蛋散加綠荳沙。蛋散兒時最愛，現在不是太多地方有得吃了，算是一個小驚喜。
綜合，叉燒一定要試，服務態度一流，招呼周到。下次一定要再來。
Post
