Video
Read full review
2018-03-03
102 views
狗年第一日開工，梗係要同大少兩個人去返餐好啲㗎啦！我哋都試過倫哥其他分店，今次選擇困難症發作，所以今次就book間新啲分店試下啦！我地今日訂咗7點半，早左少少到但已經滿咗7，8成喇！好彩有一早訂定枱一坐底店員就已經準備好個配料架比我哋喇！都係一般火鍋應有嘅配調味料啦！跟住好快就有兩碟小食上枱，有涼拌雲耳同青瓜兩款基本上都係差唔多嘅調味。有麻油香，有少少麻同酸，十分開胃啊！跟住上枱嘅就係蟲草花燉烏雞湯。火候十足，唔會因為大量供應而質素下降，而且超足料呀，飲落去絕對唔係味精水，真係正嘢！值得一讚原來仲有一個頭盤，就係鮑汁炆鮑魚花菇。雖然唔可以同高級酒樓果啲比較，但係以呢個價錢絕對交足功課！啲花菇炆得好入味，連平時唔鍾意食冬菇嘅我都啪哂😜跟住落嚟就到雞煲出場喇！！因為我唔食得辣，所以就揀咗BB辣啦！啲雞都相當入味，十分嫩滑有少少麻辣更帶出佢嘅鮮味，相當惹味！亦唔會因為係任食就影響到佢嘅質素食完一round雞煲已經唔係好餓，怕食唔到其他嘢就無再加雞喇！之後就到打邊爐喇！店員首先放底可以任食嘅食物，啲丸同餃類都唔錯，唔係放題就求其比啲嘢你咁。湯底就係蕃茄粟米湯，都幾清甜。之後再來嘅就唔係全部都可
我地今日訂咗7點半，早左少少到
但已經滿咗7，8成喇！好彩有一早訂定枱
一坐底店員就已經準備好個配料架比我哋喇！
都係一般火鍋應有嘅配調味料啦！
跟住好快就有兩碟小食上枱，有涼拌雲耳同青瓜
兩款基本上都係差唔多嘅調味。有麻油香，有少少麻同酸，十分開胃啊！
前菜
8 views
0 likes
0 comments
跟住上枱嘅就係蟲草花燉烏雞湯。火候十足，唔會因為大量供應而質素下降，而且超足料呀，飲落去絕對唔係味精水，真係正嘢！
值得一讚
燉湯
12 views
0 likes
0 comments
原來仲有一個頭盤，就係鮑汁炆鮑魚花菇。雖然唔可以同高級酒樓果啲比較，但係以呢個價錢絕對交足功課！啲花菇炆得好入味，連平時唔鍾意食冬菇嘅我都啪哂😜
跟住落嚟就到雞煲出場喇！！因為我唔食得辣，所以就揀咗BB辣啦！啲雞都相當入味，十分嫩滑
有少少麻辣更帶出佢嘅鮮味，相當惹味！亦唔會因為係任食就影響到佢嘅質素
雞煲
10 views
0 likes
0 comments
食完一round雞煲已經唔係好餓，怕食唔到其他嘢就無再加雞喇！之後就到打邊爐喇！
店員首先放底可以任食嘅食物，啲丸同餃類都唔錯，唔係放題就求其比啲嘢你咁。
湯底就係蕃茄粟米湯，都幾清甜。
之後再來嘅就唔係全部都可以任食嘅item喇！
蜆呀，蝦同魚都可以再order嘅，但講真，食哂啲嘢都好飽喇！隻蟹係超鮮甜同多膏，好正！
邊爐嘅主角到喇！！
啲牛頸脊一睇就知有幾正啦！真係塊塊都咁靚㗎！
牛味好夠，有咬口得嚟絕對唔會韌！堅推介啊！
牛頸脊
12 views
0 likes
0 comments
食哂啲嘢已經好飽，真係叫唔到第二round喇。最後有甜品係燕窩燉鮮奶蛋白，唔會太甜又唔膩，我哋都清哂呀！
次次食倫哥都好滿足，真係又抵食又好食！
Post
