Theo Mistral by Theo Randall (Moved) New Location

同朋友慶祝生日，由佢自己揀個好地方。朋友果然係一個識飲識食的人，一行7人決定去洲際海景嘉福酒店裡面的意大利餐廳 - Theo Mistrial by Theo Randall  同佢慶生。 個人好鍾意睇下吓，比較吓餐廳內免費提供的麵包籃的質素。呢個籃絕對可以反映及與餐廳的質素成正比。呢度d麵包算好食。但最值得讚的是佢地用的 olive oil 絕不馬虎。食落有淡淡幽香。讚！ 前菜我們叫了生蠔、意大利牛肉他他、意大利沙律。大家都覺得個牛肉他他好好味。唔知點解，現在不是太多餐廳有提供生牛肉他他。可能是食材的質素要求較高吧～～～ 主菜方面，我們也試了很多款，包括蟹肉意大利麵、紅蝦意大利飯、黑鱈魚、斧頭扒、黑毛豬。大家都一致認同如果要食扒，還是去其他出名的店好了。個人覺得個魚最好食，意大利麵及意大利飯還可以的，只是略微鹹了一點。 生日飯當然唔少得蛋糕甜點！今次 order 左檸檬批及朱古力蛋糕，非常出色！朱古力蛋糕的朱古力味非常濃郁可口，入口軟綿綿，是上盛之作。檸檬批則比較之下，變得平庸了。😅 總括來說，餐廳食物質素及服務只是中規中矩，甜品好味，但環境寬敞，坐得舒服，也不失為老友傾計的好地方。