CHEF STAGE de Eddy Chu (Closed)

12月係我嘅生日月，終於到朋友幫我慶祝啦🤣今日我地就book左尖沙咀依間西餐廳。睇落五道菜套餐都好多嘢食，而且有生日優惠，買一個餐送一個$488嘅五道菜套餐，多除小補，所以我哋都唔諗咁多，一人嗌左一個🤣首先沙律係蟹肉三文魚沙律。三文魚好新鮮，三文魚中間夾住啲蟹肉，慢慢切開，連埋啲黑醋食，特別食到三文魚同埋蟹肉嘅鮮味。之後我哋就嗌左一個黑松露蘑菇湯。湯嘅質地唔係好稠嗰度，飲落去好香黑松露味，而且調味啱啱好。前菜方面，依個蟹肉冬陰功日本年糕真係好出色。年糕煮得好煙靭，食落去唔漏，而且冬陰功醬汁少少甜甜地、微辣，真係越食越上癮！主菜方面，我就嗌左一個法式明爐海龍皇，裏面有好多唔同嘅海鮮，海鮮控必食🤤🤤加上個醬汁酸酸甜甜，食落特別開胃！朋友就叫做依個慢燒美國牛肉眼，依個肉眼限定要四成熟，朋友鍾意食生少少，覺得肉味可以濃味啲。牛肉亦都好嫩，唔會好韌。最後甜品係藍莓芝士蛋糕。唔係好甜，芝士味好濃，加埋最個餅底一齊，好好味！總括而言，依餐生日飯都唔錯，而且大家可以坐低聚一聚，都係一個傾偈嘅好地方。