Homeland (彌敦道)

Open Now

Now Closed

今日係拍拖日，特別揀咗呢間食飯之後去行街。貪佢喺旺角就腳呀嘛。🤣餐廳嘅環境舒適好啱情侶同埋三五知己聚餐我哋就揀咗Pizza二人餐✨泰式柚子蟹肉沙律沙律菜非常爽甜可口，配上蟹肉同埋蟹籽令到口感豐富。再加上佢甜甜辣辣嘅沙律salad dressing，好醒胃。✨黑松露牛肝菌蘑菇湯蘑菇湯味道濃郁，配上香脆嘅蒜蓉包，係我鍾意嘅口味✨牛面頰墨西哥芝士餡餅🥙要讚吓佢嘅墨西哥芝士餡餅，好鍾意佢個配搭，煎到餡餅外面微脆入邊就夾住牛肉同其他配料嘅鹹香，再加上佢嘅牛油果醬同埋酸忌廉，真係試愛上，想食多幾塊。✨西班牙蒜油大蝦配酸種麵包呢一碟西班牙蒜油大蝦，份量十足，而且大蝦鮮甜有彈性，配上蒜油令蝦味提鮮，都係一道唔錯嘅菜式。✨焦糖無花果伯爵奶茶蓋巴斯克芝士蛋糕呢個伯爵奶茶芝士蛋糕食咗一啲都唔溜，而且鍾意佢嘅伯爵茶淡淡嘅香氣，伯爵茶同芝士蛋糕配合得好好。總括而言，無論食物質素同埋餐廳店員服務都非常好，係約會同聚餐嘅好地方。