新泰東南亞餐廳 (興旺閣)

Open Now

Now Closed

呢間舖頭真係已經食過好多次，但係因為佢嘅食物款式非常之多，所以次次嚟都仲係好多嘢想食咁舖頭嘅裝飾其實都落咗好多新機，每一個角落都融入咗泰式嘅裝飾今日同朋友嚟，叫左柚子沙律，如果唔食辣嘅人，就建議佢先唔好撈勻啲醬汁。嘢食粥表面嗰啲先，因為相對冇咁辣。底嗰啲浸住啲汁嘅可以留返比食得辣嘅朋友食。柚子全部去晒被之後，每一粒果肉都好飽滿，一咬落口就已經好Juicy，酸酸甜甜得來加埋少少辣嘅汁，就更加惹味。除咗蝦之外佢仲有魷魚，海鮮嚟講兩隻都幾新鮮，份量都到幾個人分都唔係問題。我哋另外仲叫咗個青咖喱，有幾款肉可以俾你揀，我哋揀咗雞肉。另外仲加咗個手抓餅，兩隻配埋一齊食好味得來又可以有啲飽肚咁。佢份量都幾多，青咖喱嚟講佢唔會好辣，手抓餅沾滿晒汁之後，比齋食又另外一番風味。甜品嗰度我哋揀咗個芒果糯米飯配雪糕，一上嚟就已經好有打卡feel，糯米嘅份量唔會好多，加埋新鮮嘅芒果果肉同埋芒果味嘅雪糕，成餐飯都好滿足。