泰星匯泰國菜

Open Now

Now Closed

除左日本野之外, 我諗泰國野都係好多人鍾意食既菜式, 要辣有辣, 要香口有香口, 要清淡有清淡, 選擇好多.無意中見到呢間泰國餐廳, 雖然響民生區, 但係有好多人幫趁.泰國野最特式就係泰式生蝦, 肉質好彈牙, 食左一隻唔點醬汁, 感覺到蝦既鮮甜味, 完全無雪藏味. 如果點醬就帶少少辣味, 會醒胃D.仲有特式野係碳燒豬頸肉, 燒到表面金金黃黃, 微焦帶有一點香口, 但係肉質又保持嫩口同埋肉汁, 而且份量都幾多.最後仲有一個泰式香辣椒鹽鮮魷, 真係帶左少少辛辣味, 但係又未至於食唔到, 鮮魷唔韌, 新鮮有口感. 椒鹽唔算好多, 但係其他香料都帶出野味, 越食越開胃.