La Cafeteria (Closed)

呢間充滿異國風情的洞穴cafe近期大熱，未開店已經有人龍，幸運地我地一早去到可以首輪入座☺️食物選擇不算多，有pizza、三文治、炸雞等以輕食為主，飲品有唔少選擇，有咖啡、茶、汽水、梳打水等。我地點左炸雞、牛油果三文魚toast配薯條、柚子梳打同熱朱古力，炸雞嫩滑鹹淡適中，柚子梳打柚子味不重清涼解渴🍹店家態度友善服務親切有禮，不得不讚Cafe打卡一流，無論係地磚、牆身、燈等裝修都睇得出落左唔少心思，廁所亦寬敞乾淨👍🏻溫馨提示：cafe只開星期六、日及公眾假期，用餐限時90分鐘。