Video
Read full review
2018-11-13
213 views
上一年係澳洲生活都會係澳洲境內去下旅行，當然不乏去悉尼、墨爾本呢啲大城市睇下啦！當中悉尼有個好岀名既甜品，就係西瓜蛋糕，好記得果日滿心歡喜諗住可以初嚐咁特別既蛋糕，點知......果日咁岩休息，之後既行程都唔會再經呢一區，十分失望！但係，又點會估到我住既城市會定期搞一啲美食攤位，原來悉尼呢間甜品店有參與，所以我最後都試到呢款蛋糕，當然，我希望我自己可以再返返去悉尼當地品嚐岩岩整好既製成品！然後，我冇留意到，原來早係2年前，已經有香港人係悉尼跟師傅學完返黎開店，首間係西環，依家仲開左新既分店係尖沙咀 「The One」！咁岩今日係我同另一半既紀念日，當我地經過既時候，兩眼發光，果時同另一半一齊行緊，我同佢即刻對望大家，然後好一致地話：「入去試下！」，真係冇諗過可以係香港食返同另一半既回憶，仲有我真係中意既西瓜蛋糕！講完我既故事，係時候同大家分享返呢間咖啡店。咖啡店環境咖啡店位於The One四樓，都係以白色金色做主調，比人感覺好醒神，同埋行過既話你一定會留意到佢，因為佢成個凍櫃放滿左好多一式一樣既蛋糕。咖啡店有不少坐位比你坐低慢慢嘆蛋糕，高枱位、梳化位都有，我當然同另一半慢慢住低嘆。餐牌
然後，我冇留意到，原來早係2年前，已經有香港人係悉尼跟師傅學完返黎開店，首間係西環，依家仲開左新既分店係尖沙咀 「The One」！咁岩今日係我同另一半既紀念日，當我地經過既時候，兩眼發光，果時同另一半一齊行緊，我同佢即刻對望大家，然後好一致地話：「入去試下！」，真係冇諗過可以係香港食返同另一半既回憶，仲有我真係中意既西瓜蛋糕！講完我既故事，係時候同大家分享返呢間咖啡店。
咖啡店環境
咖啡店位於The One四樓，都係以白色金色做主調，比人感覺好醒神，同埋行過既話你一定會留意到佢，因為佢成個凍櫃放滿左好多一式一樣既蛋糕。咖啡店有不少坐位比你坐低慢慢嘆蛋糕，高枱位、梳化位都有，我當然同另一半慢慢住低嘆。
餐牌
有介紹呢間咖啡店點樣黎，當然係食蛋糕為主，主要係草莓西瓜蛋糕、榴槤芝士蛋榚、抹茶紅豆蛋糕、荔枝玫瑰蛋榚、班蘭紫糯米蛋榚、草莓雲呢嗱蛋榚、芒果熱情果蛋榚、栗子蛋榚、朱古力香蕉蛋榚等。而飲品都有咖啡、茶、奶昔、拿鐵供選擇。
草莓西瓜蛋糕 $65/件
草莓西瓜蛋糕
$65
16 views
0 likes
0 comments
草莓西瓜蛋糕
$65
9 views
0 likes
0 comments
草莓西瓜蛋糕
$65
11 views
0 likes
0 comments
最面層係開心果、玫瑰花瓣同草莓，之後係杏仁蛋糕，再一層玫瑰忌廉，中間係西瓜，跟住黎多層玫瑰忌廉，餅底重覆返杏仁蛋糕，好似首尾呼應咁。食落玫瑰花瓣味幾岀，先係草莓果酸既香，之後係玫瑰忌廉既幼滑細膩口感，然後西瓜既清甜同爽口，再加餅底微脆同埋少許甜度提升味道。係一個好清新既蛋糕，你唔會覺得膩，所以點解呢個蛋糕係澳洲咁成功。
抹茶紅豆蛋糕 $58/件
抹茶紅豆蛋糕
$58
10 views
0 likes
0 comments
抹茶紅豆蛋糕
$58
43 views
0 likes
0 comments
抹茶紅豆蛋糕
$58
17 views
0 likes
0 comments
簡單地，由抹茶、紅豆同杏仁組成。最頂係薄薄一層抹茶忌廉，之後有杏仁層蛋糕，然後梅花間竹地重覆。一入口，抹茶忌廉幼滑，抺茶味香濃，甜度恰當，同蛋糕配合得好好，美中不足係紅豆太少，只有飲到中間既部份先有，均勻塗抹係成個蛋糕既話，相信味道又不一樣。
法式燉蛋焦糖咖啡(凍) $52
居然法式燉蛋都可以整成咖啡？見咁特別所以嗌呢個試下。原來係模仿左法式燉蛋既面，打左奶泡再稍稍用火槍燒過，而下面就係焦糖咖啡，咖啡頗滑口，濃度也有，先有焦糖香同甜味，其後咖啡味擴於口中，配上清新既蛋糕幾適合。
櫻桃雜莓奶昔 $68
櫻桃雜莓奶昔
$68
16 views
0 likes
0 comments
櫻桃雜莓奶昔
$68
13 views
0 likes
0 comments
櫻桃雜莓奶昔
$68
23 views
0 likes
0 comments
櫻桃雜莓奶昔
$68
29 views
0 likes
0 comments
另一半十分喜愛飲奶昔，本身以為係一杯普通不過既奶昔，點知奶昔有好大驚喜，佢好似一杯甜品咁，非常大杯，絕對可以兩個人分享，似係沙冰甜品杯。插上左2條草莓味百力滋同一糯粒有牌子既朱古力做裝飾，然後係海量既沙冰，每一啖既雜莓味都夠重，我本身好怕櫻桃、雜莓呢啲，驚係藥水味，但呢杯完全唔會，好清爽，2個人飲完都覺得好飽！
呢間咖啡店水準確係唔錯，能夠令我食到當時係澳洲既味道同埋回憶，不過食落當然兩者都有啲唔同，澳洲既草莓西瓜蛋糕花香冇咁重，西瓜味會更出，而呢到既花香味有點蓋過左主角西瓜，但我覺得兩者各有各美味之處，加上係香港都食到澳洲既甜品，已經大大加分，同埋佢都多左好多其他自己創作既味道，我一定會再黎幫襯 ;)
Post
