張公館

Open Now

Now Closed

餐廳：張公館地點：銅鑼灣登龍街菜式：粵菜餐牌：午市餐牌有多款點心，頭盤，燒味，小菜，飯麵類，甜品等等。脆脆笑哈哈 $68 另加一脆脆笑哈哈一客六件，賣相討好。食落係薄滑腸粉皮包住脆口薄脆同爽脆蝦肉，面頭一片芫茜，味道帶清香芫荽味，口感外滑內脆，非常豐富。紫菜蟹柳卷 $68 另加一紫菜蟹柳卷一客四件，熱辣辣蒸起，係紫菜包住類似魚蛋既彈牙餡，最入面係蟹柳，面頭加上蛋白，令賣相似蟹肉，食落紫菜味香，魚蛋味道頗濃，口感都唔錯。四川蝦餅 $68 另加一四川蝦餅一客四件，滿佈白芝麻粒既鬆軟麵包外皮，入面包住細蝦肉加川味醬汁，食落味道唔會太辣，其他地方少見呢味菜式。香煎黃金糕 $48 另加一香煎黃金糕一客四件，熱辣辣上枱，煎得燶面而少少脆，入面就煙煙韌韌，味道少少甜甜地，唔錯唔錯。前菜兩碟，分別係炸白飯魚花生同酸堯頭，好開胃。每小碟$20。茶位每位$20。今餐點心質素唔錯，款式平時少見。餐廳裝修高檔，有開揚景致。上菜收碟快捷。商務午餐同朋友飯局都唔錯。