小城鎮 (Closed)

坐落响明園西街的”小城鎮 little town “地點比較吊腳，可能因為地點輸蝕，所以小店以食物品質及服務嚟爭取回頭顧客。我哋今日食咗個牛柳粒炒意粉同埋招牌豬肋骨，兩樣嘢都好有水準，豬肋骨嘅份量十足，我哋食到飽哂，仲打包左返三分之一。甜品係糯米糍，我最初以為係一啲pre-pack 嘅雪糕糯米糍，原來係一個芒果糯米糍，外軟內香，好有驚喜。我發現原來佢有個全日供應嘅$98 啤酒加小食套餐 - 兩支啤酒+1個小食 (睇過圖片個小食都唔係好少) 下次約朋友飲啤酒吹水一定要試吓。