丼瀛 (Closed)

觀塘分店嘅丼瀛重開啦！星期二既丼𤅗仍然座無虛席，加上網上評論讚多過批評，身邊朋友都讚好，尊重民意既我決定試一試丼瀛。餐廳非常闊落，燈光十足。- 焗帆立貝我哋叫左明太子味同芝士味，特別之處在於丼瀛將帆立貝切粒後再焗，並非原隻焗，食落非常爽口彈牙。明太子焗帆立貝味道比較豐富，芝士焗帆立貝比較膩，但滋味程度爆燈🤤- 燒大蝦頭蝦頭好大，不過蝦身肉質麻麻，相比焗帆立貝變得普普通通。- 鍋燒烏冬份量好足料，入面有炸雞同炸蝦，撈勻蛋黃後湯底無咁鹹，烏冬就好滑溜。- 甲羅燒松葉蟹肉丼賣相十分豪邁，松葉蟹肉同三文魚籽鋪滿丼飯上面，加上兩支飽滿蟹腳，鮮甜無比。更誇張既係仲有甲羅燒，蟹膏香濃，鹹甜適中，送飯可謂絕配。整體嚟講，焗帆立貝同蟹肉丼好出色，味道提升咗一個層次，真係強勢回歸。