Video
Read full review
2010-04-03
13 views
今晚又要諗晚飯食咩, 真係諗到頭都大埋, 泰國野越南野日本野上海野, 鐘意食嘅菜式樣樣都好似食完無耐,油尖旺區實在諗唔到想食咩…..今晚突如其來嘅idea不如去café, 行下行下就行到哩度…..繁華熱鬧,晚間紅黃燈高高掛嘅砵蘭街中,竟然會有一間別樹一格,門面裝修特別嘅café, 既然今晚目標係café,二話不說就入去啦~~~此café同旺角一般上樓café唔同, 唔見有客玩game, 只見大家都用餐中, 再望一望menu上嘅價錢, 比一般café價錢貴就猜想質素應該唔差, 對今餐嘅信心又大大提升(不只因為價錢,環境氣氛都要重要一環)!!!小小一間café,隨左提供數個set dinner供選擇,還照顧到二人的客人提供二人餐,感覺貼心~!眼看二人餐有前菜,有小食,有pizza,仲有主菜, 滿足各樣需要, 就order二人餐~~~~前菜係煙鴨胸沙律,份量絕對唔少,並唔係一般餐廳細細兜呼衍了事,而係一大盤~~煙鴨胸亦有5-6塊, 亦唔係薄切, 口感同火腿相似, 但無咩味…..不過係好有誠意嘅前菜~小食係一個唔記得左咩名嘅魚柳….哩個無特別…普通炸龍利柳配點沙律醬, 沙律醬激似M記魚柳包個醬
今晚突如其來嘅idea不如去café, 行下行下就行到哩度…..
繁華熱鬧,晚間紅黃燈高高掛嘅砵蘭街中,竟然會有一間別樹一格,門面裝修特別嘅café, 既然今晚目標係café,二話不說就入去啦~~~
此café同旺角一般上樓café唔同, 唔見有客玩game, 只見大家都用餐中, 再望一望menu上嘅價錢, 比一般café價錢貴就猜想質素應該唔差, 對今餐嘅信心又大大提升(不只因為價錢,環境氣氛都要重要一環)!!!
小小一間café,隨左提供數個set dinner供選擇,還照顧到二人的客人提供二人餐,感覺貼心~!
眼看二人餐有前菜,有小食,有pizza,仲有主菜, 滿足各樣需要, 就order二人餐~~~~
前菜係煙鴨胸沙律,份量絕對唔少,並唔係一般餐廳細細兜呼衍了事,而係一大盤~~煙鴨胸亦有5-6塊, 亦唔係薄切, 口感同火腿相似, 但無咩味…..不過係好有誠意嘅前菜~
小食係一個唔記得左咩名嘅魚柳….哩個無特別…普通炸龍利柳配點沙律醬, 沙律醬激似M記魚柳包個醬…..
Pizza,印象中menu好似無寫個pizza叫咩名….但個pizza竟然係成餐飯嘅精髓所在,真係講都唔信,!! Size比我想像細得多,唔知係咪有4寸咁大~Pizza上面並唔係有咩特別材料, 最主要食倒有頭先魚柳個沙律醬味同芝士, 2樣野竟然好match, 最重要係個餅底好脆好香口, 仲有少少酥嘅口感, 食完想繼續食, 可惜份量太少,唔夠喉!!!!
海鮮忌廉湯, 平平之作, 忌廉湯唔算稀, 材料都算多, 還可以, 可惜略鹹…..
Main Course係成餐飯嘅敗筆, 海鮮闊條面, 本嚟個賣相都唔錯,可惜麵條稍硬, 好似好難咬咁, 又好厚身, 可能自己食慣焗闊條麵, 焗到軟身林身嘅會啱我口味多D, 白汁又好似太多, 食到好(漏), 海鮮又普通, 好多蟹柳,好少青口魷魚, 唔算大兜可惜2人share都食唔哂……可想而知…..好一般~~!!!
餐飲直頭要投訴, café一般嚟講靠飲品為主, 客人通常唔食都要飲, 飲品質素當然要有番咁上下啦, 可惜哩度嘅餐飲簡直差!!! 由於海鮮闊條面食到我好(漏), 所以只點左個凍檸茶, 想飲少少茶中和一下,結果……杯所謂嘅凍檸茶只係似係一杯有色嘅凍檸”水”,完全無半點茶味…. 檸檬切薄片可以薄到……3塊等於平時煎餐廳一塊(都唔知有無)…..咁簡單一杯凍檸茶都咁呼衍,扣好多分囉~~~我平時餐飲一定飲哂,今次竟然飲剩大半杯…..建議大家唔好叫最簡單嘅野!!!!形於朋友薄荷朱古力, 都係淡薄荷+淡朱古力味咁啦~~~同樣地飲術半杯~~~~
本嚟都抱有少少期望,可惜衰收尾~~~~
環境同服務令我可以俾OK, 食物+飲品質素真係要……改善!!!!
Post
