Aroma Truffle (Closed)

繼鹹蛋黃薯片之後，新加坡又掀起一波熱潮🇸🇬黑松露取自意大利Spoleto農場🇮🇹採摘後挑選最佳貨品並加工保鮮，然後空運到新加坡100%手工烹製。💗夏季黑松露薯片|原味($69)薯片厚度適中，咬落去非常酥脆🥔𠝹有波浪坑紋，增加口感外，調味粉更加掛身。用高級橄欖油烹調，所以冇油溢味，亦唔會成口油。食落有薯仔味同濃郁嘅松露味。加上香草調味，超級香口🌱💗夏季黑松露薯片|蜜糖芥末($69)聞落首先係蜜糖味跑出🍯之後再到香濃嘅黑松露。而食落亦係蜜糖做咗主角，再滲出松露香💎中間帶芥辣嘅刺激，但唔會嗆鼻。甜鹹嘅比例大約係7:3，層次較豐富，又唔會蓋過哂相互嘅味道。如果接受唔到太強嘅松露味同比較鍾意食甜野，可以試下呢款。