彈彈旦 (Closed)

掃街唔少得篤魚旦，廣華街一帶都幾好掃架，又有野食又有野飲。聽講呢度啲魚旦幾彈牙，仲有4款自家製醬汁可以揀，包括椰子油咖喱醬、BBQ肉鬆醬、黑胡椒芝士醬同蒜香香辣醬。鋪位都幾大，齋做魚旦就唔夠做，所以都仲有薯角、撈麵、糖水呢啲小食。椰子油咖喱醬魚旦 $20/10粒價錢唔平唔貴，得我同男朋友食所以只係叫左一兜試下。咖喱醬混入初榨鮮椰子油，咖喱會冇咁辣，又帶椰子油香。主魚魚旦係潮州式果種白魚旦，都算彈牙。雖然未至於超好食（因為個人黎講通達係no.1）但都有興趣再黎試下其他醬汁。