Video
Read full review
2021-08-05
34 views
🙃返坑口嘅時候又唔記得喺隧道口要轉車結果嚟咗調景嶺呢邊，咁就食埋晚餐先返屋企呢間新樂園除咗粉麵之外仲有飯同常餐食，有得揀最開心。墨魚丸牛丸米粉 $39兩種丸類都彈牙爽口，墨魚丸食到有墨魚粒同香蔥，唔係齋一團粉。牛丸有牛油香。魚蛋粗麵 $35魚蛋同魚片都彈牙，粗麵唔算重鹼水味，煮得幾爽口。脆炸鮮雲吞 （6粒）$40記得以前中學附近有間麵店有炸雲吞，自從嗰陣食過之後，而家每一次去到呢啲麵店如果有炸雲吞都會叫嚟食。雲吞皮炸到卜卜脆，入邊都有兩三隻細蝦仔，爽口彈牙多汁。佢有比沙律醬，我自己就鍾意原汁原味多啲。油菜 $16 跟餐價菜心份量都算多凍檸樂 $11 跟餐價係會比一罐可樂你，再比一杯冰檸底你呢種可樂會好飲過用機沖出嚟嘅可樂
結果嚟咗調景嶺呢邊，咁就食埋晚餐先返屋企
呢間新樂園除咗粉麵之外仲有飯同常餐食，有得揀最開心。
墨魚丸牛丸米粉 $39
兩種丸類都彈牙爽口，墨魚丸食到有墨魚粒同香蔥，唔係齋一團粉。牛丸有牛油香。
魚蛋粗麵 $35
魚蛋同魚片都彈牙，粗麵唔算重鹼水味，煮得幾爽口。
脆炸鮮雲吞 （6粒）$40
記得以前中學附近有間麵店有炸雲吞，自從嗰陣食過之後，而家每一次去到呢啲麵店如果有炸雲吞都會叫嚟食。雲吞皮炸到卜卜脆，入邊都有兩三隻細蝦仔，爽口彈牙多汁。佢有比沙律醬，我自己就鍾意原汁原味多啲。
油菜 $16 跟餐價
菜心份量都算多
凍檸樂 $11 跟餐價
係會比一罐可樂你，再比一杯冰檸底
你呢種可樂會好飲過用機沖出嚟嘅可樂
Post
