Video
Read full review
2016-07-08
841 views
波兒您真係彈得好起喎，又會咁好生意既，由您開業我就睇到您依家，終有爆場既一日喇，恭喜晒 ﹗波仔真係守得雲開見月明，真係比您做起左！近來黎新襯都滿客，粉麵又真係好味既，贏香港仔幾條街！服務及衛生都有改善空間，食物品質非常好味，衰在地方衛生欠佳，而且檯櫈筷子硬係黐淋淋，又無熱茶提供洗洗食具，好可怕。但係侍應們動作始終有點慢，慢條斯理，您急佢唔急。服務態度一般，感覺不太良好，欠主動及熱誠，可能太忙又可能對待遇唔多滿意啦！永不回應既侍應瀟灑叔都唔知您明定唔明、聽到定聽唔到，答句知道都好呀。今日 lucky 地有豉油出現喇，時有時無呢。豉油難得一見，上次見過一次，美國返黎放縱左兩星期狂飲狂食，睇黎要花點時間調節一下。炸醬牛丸粗麵走蔥，牛丸重口味，落味略咸，質地結實微爽似牛筋丸多過牛丸，肉汁微滲，愛咸的食客應該非常滿意。炸醬甜甜地又唔漏，厚薄適中，滿意。粗麵乾爽較彈牙，唔會腍劈劈或有黏黏感覺，撈上甜炸醬及肉絲入口，滋味無窮，而且麵底份量也不少，飽飽啊。黎個新奇配搭，甜炸醬混辣椒油先 ﹗波記堅持無豉油供應喎，為左慳錢？唯有淨食辣椒渣啦，中辣程度好鬼正，而且夠晒香口，大愛。半甜半辣奇味特別，不錯既發現
服務及衛生都有改善空間，食物品質非常好味，衰在地方衛生欠佳，而且檯櫈筷子硬係黐淋淋，又無熱茶提供洗洗食具，好可怕。
但係侍應們動作始終有點慢，慢條斯理，您急佢唔急。服務態度一般，感覺不太良好，欠主動及熱誠，可能太忙又可能對待遇唔多滿意啦！永不回應既侍應瀟灑叔都唔知您明定唔明、聽到定聽唔到，答句知道都好呀。
今日 lucky 地有豉油出現喇，時有時無呢。豉油難得一見，上次見過一次，美國返黎放縱左兩星期狂飲狂食，睇黎要花點時間調節一下。
炸醬牛丸粗麵走蔥，牛丸重口味，落味略咸，質地結實微爽似牛筋丸多過牛丸，肉汁微滲，愛咸的食客應該非常滿意。炸醬甜甜地又唔漏，厚薄適中，滿意。粗麵乾爽較彈牙，唔會腍劈劈或有黏黏感覺，撈上甜炸醬及肉絲入口，滋味無窮，而且麵底份量也不少，飽飽啊。
黎個新奇配搭，甜炸醬混辣椒油先 ﹗波記堅持無豉油供應喎，為左慳錢？唯有淨食辣椒渣啦，中辣程度好鬼正，而且夠晒香口，大愛。半甜半辣奇味特別，不錯既發現。
魚蛋水餃麵走蔥，水餃魚蛋同樣相當高質，水餃足料結實醃味香甜，一咬噴汁好美味！魚蛋咸香宜人，又不乏肉汁，爽爽彈彈合格。湯底濃郁又甜美，混上爽爽高質幼，好好食 ﹗最初想食韮菜餃架，明明 menu 寫住，但無得賣囉。辣椒油既香且辣夠刺激，越食越興奮，越興奮就開胃 ﹗伴碟既生菜完全不馬虎，爽甜鮮嫩，好食到不得了 ﹗堅好食，連湯都飲晒！
牛筋豬潤麵走蔥，牛筋居然係我最喜歡既質感，筋勁軟棉滑滑腍腍，滷水汁已完完全全滲入牛筋之中，每一口都充滿滷水芬芳，好好食。豬潤爽彈無比，潤味濃厚，不乾不鞋，處理得宜好功夫！
爽到索索聲靚麵掛上大量豉油辣椒渣，香辣刺激、醒神醒腦，食極都唔夠啦 ﹗最後來兩片爽嫩甜美生菜清一清辣度，再呷兩口香辣湯汁，完美的結束。
牛丸腸肚麵走蔥，牛丸結實微爽味道偏濃而略咸，質感似牛筋丸多過牛丸。牛腸滑彈非常，外彈內嫩，牛味又濃郁，好鬼正。金錢肚非常彈牙，索汁力強勁，滷水香甜出眾。
雖然今次幼麵煮耐左有點黏口有點腍，不過依舊好味，吸引濃郁腩汁湯底，食底更加甜美 ﹗每一口都混入大量香辣辣椒渣，要高呼好味道啊 ﹗腸胃炎繼續肚痛話知佢，食多一點辣椒油殺菌添呀！
牛膀魚蛋麵走蔥，明顯可見魚蛋係好矜貴既食材，只有兩粒乍。雖然是有微弱彈性，但非常爽口，魚味濃而咸香突出，不俗不俗。超高質牛膀啊 ﹗牛味超濃郁，棉棉既質地吸盡湯汁精華，每一趙都充滿肉汁，水潤非常，外皮嚥韌而裡面軟棉，好好味呢 ﹗
爽口幼麵夾著辣椒肉走奔口裡去，大大力一氣呵成啜晒入口，好滿足啊 ﹗各食客嘆得津津有味既時候，突然奇來一句廣通話特襲：唔該坳撚麵，我巧揀，唔佳怪少少喲 ﹗這位大陸阿姐真風趣呢，哈哈 ﹗整個空間烚時停頓了半秒，無事無事，繼續食。
牛膀牛丸麵走蔥，等左足足 15 分鐘，極速食 5 分鐘閃。生菜勁爽甜鮮嫩，出乎意料的上菜。幼麵勁爽，湯香甜濃郁，辣椒肉香辣而且有豉油供應，非常幸福食飽飽。無辣不歡的我，當然每口麵都要沾上大量辣椒渣啦，好好味又刺激，正呀 ﹗
牛腩牛雜麵走蔥，點可能咁好食架！牛腩外觀有點肥，但牛脂入口爽彈極香，瘦肉鬆化無比，滷水完全滲透其中，牛味濃而滷水香，真係不能以貌取人呢。
牛雜無得彈，膀棉、腸彈、肚爽，連我一向唔多食既肺都好滿意，無腥味又乾淨又軟棉棉，金錢肚爽爽彈彈，味香濃甜美。所有食材都散發著滷水清香，濃而不濁。每一口都充滿肉汁之餘，滷水還飄香處處。生菜及芥蘭同樣高質數，好鮮嫩甜美呢。
湯底極為美味，腩汁清香，混上辣椒油全部一滴不漏被我消滅。湯汁甜美滋味無窮，連爽彈幼麵夾著辣椒渣掃入口，大滿足。
炸醬牛丸粗麵走蔥
15 views
0 likes
0 comments
炸醬牛丸粗麵走蔥
11 views
0 likes
0 comments
炸醬牛丸粗麵走蔥
10 views
0 likes
0 comments
炸醬牛丸粗麵走蔥
33 views
0 likes
0 comments
魚蛋水餃麵走蔥
20 views
0 likes
0 comments
魚蛋水餃麵走蔥
17 views
0 likes
0 comments
魚蛋水餃麵走蔥
14 views
0 likes
0 comments
牛筋豬潤麵走蔥
10 views
0 likes
0 comments
牛筋豬潤麵走蔥
16 views
0 likes
0 comments
牛丸腸肚麵走蔥
11 views
0 likes
0 comments
牛丸腸肚麵走蔥
6 views
0 likes
0 comments
牛膀魚蛋麵走蔥
22 views
0 likes
0 comments
牛膀牛丸麵走蔥
23 views
0 likes
0 comments
牛膀牛丸麵走蔥
7 views
0 likes
0 comments
牛腩牛雜麵走蔥
11 views
0 likes
0 comments
牛腩牛雜麵走蔥
19 views
0 likes
0 comments
牛腩牛雜麵走蔥
14 views
0 likes
0 comments
牛腩牛雜麵走蔥
6 views
0 likes
0 comments
Post
