Video
Read full review
2023-12-11
21 views
最近工作很忙，連一個短線旅行都抽唔到時間去。不過唔怕，係香港想食咩菜都有，想去台灣就食台灣菜啦。老媽拌麵呢個品牌大家應該都唔會陌生，但實體店我反而未食過，今日就去試試一解我冇得去旅行之苦。餐廳位於旺角The Forest商場二樓，港鐵站步行五分鐘左右就到，地點旺中帶靜。餐廳環境闊落，用餐時間係平日晚上六點幾，人唔算多，可能時間尚早，唔使排隊就入得。嘉興沙茶牛三寶涮涮鍋$138沙茶湯底味道濃厚，非常惹味。而牛三寶分別有肥牛、牛肚，牛筋。肥牛味道細緻，牛肚爽脆彈牙，而牛筋係我最欣賞的，牛味濃郁口感軟滑，超美味！另外仲有跟配新鮮嘅蔬菜籃、珍珠米飯，同跟餐飲品。咁嘅價錢相當經濟。土豆片（追加+$5）個人太喜歡佢哋嘅沙茶湯底，最後唔夠喉叫多份爽口土豆片，索埋沙茶湯底一齊食。超正！熱洛神花茶（跟餐）洛神花茶酸酸甜甜，消除晒火鍋嘅油膩感。飲到底仲見到大大朵洛神花，真係夠晒真材實料。台式半筋半肥牛·微辣湯·拌麵$118牛筋口感軟滑，肥牛味道細緻。同沙茶鍋嘅一樣美味。而值得一提嘅係微辣湯味道濃郁帶微辣，倒入煙韌嘅刀削麵一齊食相當開胃！呢個辣度就算唔食辣嘅人都輕易駕馭到。酥炸甜不辣（追加+$38）甜不辣炸
餐廳位於旺角The Forest商場二樓，港鐵站步行五分鐘左右就到，地點旺中帶靜。餐廳環境闊落，用餐時間係平日晚上六點幾，人唔算多，可能時間尚早，唔使排隊就入得。
嘉興沙茶牛三寶涮涮鍋$138
沙茶湯底味道濃厚，非常惹味。而牛三寶分別有肥牛、牛肚，牛筋。肥牛味道細緻，牛肚爽脆彈牙，而牛筋係我最欣賞的，牛味濃郁口感軟滑，超美味！另外仲有跟配新鮮嘅蔬菜籃、珍珠米飯，同跟餐飲品。咁嘅價錢相當經濟。
土豆片（追加+$5）
個人太喜歡佢哋嘅沙茶湯底，最後唔夠喉叫多份爽口土豆片，索埋沙茶湯底一齊食。超正！
熱洛神花茶（跟餐）
洛神花茶酸酸甜甜，消除晒火鍋嘅油膩感。飲到底仲見到大大朵洛神花，真係夠晒真材實料。
台式半筋半肥牛·微辣湯·拌麵$118
牛筋口感軟滑，肥牛味道細緻。同沙茶鍋嘅一樣美味。而值得一提嘅係微辣湯味道濃郁帶微辣，倒入煙韌嘅刀削麵一齊食相當開胃！呢個辣度就算唔食辣嘅人都輕易駕馭到。
酥炸甜不辣（追加+$38）
甜不辣炸得金黃香脆，咬落煙煙韌韌，再加少少辣醬更加惹味。
餐廳整體評分不錯，價錢合理，食材新鮮，店員有禮，係一間值得推介嘅餐廳喔。
Post
