Video
Read full review
2020-11-06
249 views
朋友介紹我去食呢一間粉麵，我都覺得奇怪，有咩令到佢咁特登去睇一間粉麵舖呢？今日帶住元祖師奶黎到尖沙咀行街，想食少少野，行到去厚福街諗住咁多間餐廳都可以揀到間，結果發現佢冇間想去食，就諗起呢間粉麵舖，就帶元祖師奶去試下。元祖師奶佢有好多野都唔食，戒得好清，本來都驚佢冇嘢啱食，結果佢就叫咗炸魚片粗麵，我就叫咗個紫菜墨魚丸湯，佢嘅紫菜墨魚丸好出名，食咗第一次就鍾意咗，好彈牙，裏面仲會食到粒粒嘅文員，口感好豐富，每次嚟到都會食佢個炸紫菜墨魚丸河套餐，1個麵，加1杯嘢飲/1碟菜，碟菜都幾大碟，今次唔想食咁飽，所以就冇叫餐，坐喺度等嘅時候，元祖師奶有研究吓餐牌，睇睇下就發現原來個套餐都冇想像中咁抵，計起黎1杯嘢飲/1碟菜係要$15，如果係叫碟菜嘅都抵嘅，因為都真係幾大碟，但如果係叫1杯嘢飲的話，就見仁見智啦，因為我出街都會自己帶水，食湯粉嘅時候都會係咁飲晒啲湯，所以都唔太洗要嘢飲！（哈哈，有時不得不佩服元祖師奶，佢真係好精打細算，咩都睇得好仔細 😆）今次第一次試冇炸嘅紫菜墨魚丸，我都係鍾意食炸既多啲，因為外層比較硬身，內裏就比較彈牙，好有口感；唔炸的話個口感就冇咁豐富，就會清淡啲。反而炸魚片頭就好
元祖師奶佢有好多野都唔食，戒得好清，本來都驚佢冇嘢啱食，結果佢就叫咗炸魚片粗麵，我就叫咗個紫菜墨魚丸湯，佢嘅紫菜墨魚丸好出名，食咗第一次就鍾意咗，好彈牙，裏面仲會食到粒粒嘅文員，口感好豐富，每次嚟到都會食佢個炸紫菜墨魚丸河套餐，1個麵，加1杯嘢飲/1碟菜，碟菜都幾大碟，今次唔想食咁飽，所以就冇叫餐，坐喺度等嘅時候，元祖師奶有研究吓餐牌，睇睇下就發現原來個套餐都冇想像中咁抵，計起黎1杯嘢飲/1碟菜係要$15，如果係叫碟菜嘅都抵嘅，因為都真係幾大碟，但如果係叫1杯嘢飲的話，就見仁見智啦，因為我出街都會自己帶水，食湯粉嘅時候都會係咁飲晒啲湯，所以都唔太洗要嘢飲！（哈哈，有時不得不佩服元祖師奶，佢真係好精打細算，咩都睇得好仔細 😆）
今次第一次試冇炸嘅紫菜墨魚丸，我都係鍾意食炸既多啲，因為外層比較硬身，內裏就比較彈牙，好有口感；唔炸的話個口感就冇咁豐富，就會清淡啲。
反而炸魚片頭就好友驚喜，一咬落去，嗰個魚肉好彈牙同好嫩滑，唔係平時硬實實嘅感覺，好味！！！！！ 絕對會成為my魚片 list TOP 3 ！好食好食！！
紫色墨魚丸湯
21 views
0 likes
0 comments
元祖師奶都覺得好食，仲問有冇分店，哈哈，少可 😏
仲諗好下次嚟到要食炸醬麵 😂
🍴 雞記潮州麵食
🚗 尖沙咀加拿分道15號C地下
——————————
[港女師奶指數] （滿分為5分）
抵食指數：🌟🌟🌟🌟
Encore 指數：🌟🌟🌟🌟🌟
Post
