大熱高湯麵 (Closed)

係附近睇完醫生上open rice睇附近有咩好野食, 見到依間麵店咁多好評就決定試下。有三種湯底, 我揀左白湯 (魚湯) 陽春麵, 配糖心蛋同竹笙卷。野食等左5分鐘度就黎, 一放低就聞到碗麵既香味, 賣相亦頗為精美。湯既味道同出面大部份既魚湯唔同, 相信係加左好多其他配料淆製, 味道清甜。麵亦有驚喜, 彈牙有咬口, 唔會過硬或過軟, 非常好食。至於小菜, 糖心蛋有煙燻同酒既香味, 但外層輕微偏咸, 竹笙卷則無甚特別, 味道偏淡。總括來說值得一試及會再來光顧。星期一的晚上8點半後食客仍駱驛不絕, 可見口碑不俗。