Video
Read full review
2017-05-19
993 views
有時放假唔想出街, 夜晚開餐時就會過去附近搵食, 尤其係去觀塘, 未必要係地標商場先有野食, 附近工業區一帶都有好選擇! 之前係呢座活化左既工廈其中一層食過飯, 係大堂已經見到呢間出名食芝士鷄煲既火鍋店原來係呢到都開左間新店, 名字加多左個"Live"字, 咩葫蘆賣咩葯呢? 一於試下!佔地全層, 面積相當寬敞, 新開張關係, 店內未完全開放晒, 行入少少已經被呢部籃球機吸引住, 火鍋配籃球機, 係咩玩法呀? 好玩囉! 你試過食食下可以出去玩舖先未呀?! 我未試過, 我真係未試過................但呢度就有得試啦! 唔知遲D會唔會仲有多D遊戲機玩呢?!見到呢SET樂器, 就知道"Live"係咩意思啦, 根據侍應透露, 呢度逢星期二及五晚會有音樂人係度玩Live, 火鍋配Live Band，我諗得呢度至有, 真係地方大就是任性!燈光環境昏暗, 有別於一般火鍋店, 設有卡位, 坐得幾舒適!我上黎係為搵食, 講返呢度既食物先, 最出名當然係黃金芝士鷄煲, 仲有火焰麻辣鷄煲火鍋配料選擇種類都唔少, 欣賞佢蔬菜, 菇菌及丸類設有半份, 可以試多幾款!今晚想只食火鍋, 所
佔地全層, 面積相當寬敞, 新開張關係, 店內未完全開放晒, 行入少少已經被呢部籃球機吸引住, 火鍋配籃球機, 係咩玩法呀? 好玩囉! 你試過食食下可以出去玩舖先未呀?! 我未試過, 我真係未試過................但呢度就有得試啦! 唔知遲D會唔會仲有多D遊戲機玩呢?!
見到呢SET樂器, 就知道"Live"係咩意思啦, 根據侍應透露, 呢度逢星期二及五晚會有音樂人係度玩Live, 火鍋配Live Band，我諗得呢度至有, 真係地方大就是任性!
燈光環境昏暗, 有別於一般火鍋店, 設有卡位, 坐得幾舒適!
我上黎係為搵食, 講返呢度既食物先, 最出名當然係黃金芝士鷄煲, 仲有火焰麻辣鷄煲
火鍋配料選擇種類都唔少, 欣賞佢蔬菜, 菇菌及丸類設有半份, 可以試多幾款!
今晚想只食火鍋, 所以就叫左呢個皮蛋芫茜湯 ($68)做湯底, 開初以為只係得皮蛋芫茜, 原來仲有粟米, 紅蘿蔔及豆腐, 材料十足, 湯底清甜都唔錯!
皮蛋芫茜湯
149 views
0 likes
0 comments
呢碟手切新鮮牛頸脊 ($208/小)係我至愛, 小既份量都唔少呀, 足夠2-3人食, 肉色靚, 每片切得大細適中, 最怕烚完得返好細片! 食落口充滿肉香味又唔肥膩, 超愛吃!
手切新鮮牛頸脊
120 views
0 likes
0 comments
手打鮮墨丸 ($68), 一客有8粒, 夾落去烚時, 感覺軟綿綿, 但烚熟放入口時就感到無比彈牙, 仲食到墨魚粒係入面, 食到鮮味墨魚味!
手打鮮墨丸
90 views
0 likes
0 comments
脆鯇片 ($58), 每片切得相當薄身, 烚完都無咩走樣, 口感爽脆, 唯食時要小心肉內細骨!
脆鯇片
58 views
0 likes
0 comments
粟米 ($18), 如果知個湯底有粟米既就應該唔會再叫, 但好在甜度夠, 食多幾舊都無問題!
粟米
45 views
0 likes
0 comments
食度下半場個湯底已經夠鮮甜味, 加埋呢款鮮製冰豆腐 ($22), 索晒D湯入內, 質感鬆軟, 食時小心被熱湯燙傷呀!!
鮮製冰豆腐
40 views
0 likes
0 comments
只設加一服務費, 不設醬油費(提供豉油及辣椒絲), 侍應為年輕人, 服務反應夠快, 不時主動加水及湯, 食得舒適, 冷氣夠勁, 下次要夾岩有Live Band表演時再黎過!
Post
