Video
Read full review
2021-11-03
4529 views
屋企人提議去呢度食自助晚餐,因為之前食過幾好食,同埋最緊要夠平😂成人每位$474, 長者$355, 講緊係自助晚餐, 真係抵到爛, 所以我完全冇任何期望😅正所謂希望越大失望越大, 就係因為我冇期望, 今次嘅體驗直情係令到我喜出望外🤣我見啲嘢食其實都唔係好多選擇, 但係質素比我想像中好好多, 尤其係以下食物:黑松露芝士焗龍蝦蒸比目魚避風塘炒蟹鉗避風塘羊架上湯竹笙浸菜心我全部都有encore但係個牛扒質素真係好參差佢第一輪係咁樣嘅: 係咪好奇怪點解我攞咁多, 係因為staff話唔攞晒呢一舊🐮, 佢唔會開個舊新, 所以我表哥嗰日就捱義氣攞晒(最後有冇食晒我唔知😂)大家欣賞下10成熟嘅燒牛扒🐵我記得嗰日好多叔叔嬸嬸都喺度投訴話俾幾百蚊嚟食自助餐連一舊牛扒都食唔到好失望🙈大家千叮萬囑叫佢新嗰舊一定要整生啲最後都冇令大家失望其實味道還可以啦(唔好同啲五星級酒店比)但係比起10成熟真係好食一百倍🐒呢度仲有生滾粥(應該係生滾?)我屋企人全部都好欣賞但係其實我覺得普通啦🙈重點黎啦: 我最愛嘅雪糕!好痴線, 咁啱全部都係我最鍾意食嘅味道😚我輕鬆食咗11球😂其實佢仲有兩款ice cream bar: 分別係
成人每位$474, 長者$355, 講緊係自助晚餐, 真係抵到爛, 所以我完全冇任何期望😅
正所謂希望越大失望越大, 就係因為我冇期望, 今次嘅體驗直情係令到我喜出望外🤣
我見啲嘢食其實都唔係好多選擇, 但係質素比我想像中好好多, 尤其係以下食物:
黑松露芝士焗龍蝦
蒸比目魚
避風塘炒蟹鉗
避風塘羊架
上湯竹笙浸菜心
我全部都有encore
但係個牛扒質素真係好參差
佢第一輪係咁樣嘅: 係咪好奇怪點解我攞咁多, 係因為staff話唔攞晒呢一舊🐮, 佢唔會開個舊新, 所以我表哥嗰日就捱義氣攞晒(最後有冇食晒我唔知😂)
大家欣賞下10成熟嘅燒牛扒🐵
我記得嗰日好多叔叔嬸嬸都喺度投訴話俾幾百蚊嚟食自助餐連一舊牛扒都食唔到好失望🙈
37 views
0 likes
0 comments
大家千叮萬囑叫佢新嗰舊一定要整生啲
最後都冇令大家失望
其實味道還可以啦(唔好同啲五星級酒店比)
但係比起10成熟真係好食一百倍🐒
呢度仲有生滾粥(應該係生滾?)
我屋企人全部都好欣賞但係其實我覺得普通啦🙈
重點黎啦: 我最愛嘅雪糕!
好痴線, 咁啱全部都係我最鍾意食嘅味道😚我輕鬆食咗11球😂
其實佢仲有兩款ice cream bar: 分別係mango raspberry同埋salted caramel, 不過其實我不嬲都唔鍾意食雪糕嗰個脆皮,所以冇食啦
另外佢呢個香茅燉蛋比我想像中特別同埋好味
因為我好鍾意食甜品所以我都encore左🤣
佢仲有其他甜品:
蛋白杏仁茶(屋企人話唔好食)
豆腐花: OK
迷你燕窩蛋撻: 可以
雷沙湯丸: 個份太厚
咖啡忌廉蛋糕: 冇人欣賞但係我鍾意🤣(尤其是加埋tiramisu味雪糕☺️)
食到咁上下(好似都九點), staff仲會無啦啦拎雪糕火鍋俾你, 可以將啲雪糕加落去個朱古力醬
佢仲有任食生蠔, 不過唔敢食呢度嘅生嘢所以冇食😂 (唔敢食生野除咗因為酒店本身嘅級數唔高, 另外嗰日嘅西瓜係暖嘅, 再加有啲奇怪嘅味道🤢)
訂座仲會送鮑魚酥 (不過我完全冇興趣🤣冇食)
整體來講其實啲侍應嘅服務態度非常好
環境雖然唔係好靚嘅酒店嘅環境, 但係始終佢都係一間酒店😂坐得幾闊落,唔錯
食物雖然冇乜好特別,但係以呢個價錢真係冇投訴
尤其係有咁多款HD雪糕, 真係超值, 不過追求質素嘅朋友/唔食雪糕嘅就真係唔好黎啦😂
Post
