彩福皇宴 (Closed)

銅鑼灣人多車多，想搵個地方靜靜地飲茶都唔係咁容易，繁忙時間更加唔使講，只不過舊同事聚會，大家又鍾意銅鑼灣夠方便，想起早排嚟過食龍蝦，打個電話試吓原來真係有得訂位兼且唔駛限時一個鐘，於是乎就決定了。放工食晏繁忙時段，特點、大中小點各為$30、$26、$22、$17，茗茶每位$13，合理價錢。五個人點心隨便點，可能女仔胃口細，埋單每人$100有找。當中我最鍾意食蝦餃皇，大蝦非常爽，有味道的，坊間有唔少做得太淡。叉燒包要做得好，查實技術好重要，傳統的做法，包身軟，叉燒饀沒有漏。見到有個親情宴套餐優惠幾抵，爸爸生日快到，等我考慮。