Paintable Cafe (Closed)

我揀咗坐玻璃窗位置。今日好想飲熱嘢，我哋叫左一壺玫瑰花茶，玫瑰花又靚，茶又香，熱飲感覺好舒服。蒜香蝦鯷魚扁意粉（微辣）微辣都應該係辣椒絲，亦為意粉帶點顏色，蒜片令意粉更添香味，意粉軟硬適中，蝦肉彈牙。All Day Breakfast黑松露炒蛋，蕃茄，牛角包，蘑菇，煙肉，香腸，沙律菜）最愛豐富嘅全日早餐，滿足晒我乜嘢都想食嘅心態。牛角包鬆軟，沙律菜新鮮爽口，炒蛋放入一點點黑松露，唔太濃味咁就食到蛋香味。彩虹乳酪呢款乳酪帶酸，引起食慾，擺盤好靚，生果用咗:藍莓、香蕉、奇異果、紅石榴、柑來間色，令人好想食晒佢。