Video
Read full review
2009-09-04
5 views
知道朋友決定結婚，擺酒地點將會係尖沙咀新港中心嘅彩雲軒，朋友邀請我及女友一齊去食下，俾下意見。約左當日兩點鐘，一入到去就覺得呢個場好大，起碼可以擺40席以上，加上裝潢都唔錯，唔會有一種好過時嘅感覺，始終呢度算係叫做遊客區嘛。一坐低，當然就立刻睇下有乜點心好揀啦，呢度有張特別推薦嘅點心紙，每樣都係$28-38到，就揀下啦。同朋友商量完一輪，就揀左好幾樣個名比較特別嘅。等點心嚟時，就睇下周圍嘅環境，諗下朋友結婚當晚會係點嘅情況。因為我地坐嘅係酒樓嘅最後一排，所以可以望到哂整個環境係點。誇張啲講，擺40圍以上絕對無問題呀！等左約5分鐘，點心開始陸續到喇：我地叫左：七味雞軟骨：用左大量切碎嘅蒜頭爆，不過凍左就差啲，如熱食會好好味！台式牛肉粒：呢個真係好食！一粒粒嘅牛肉加埋啲醬汁真係好快可以清哂！爽脆牛筋片：佢係一片片切到好薄嘅牛筋片，呢個算係冷盤。係淡口左啲。椒鹽魷魚鬚：一般嘅魷魚鬚....只係呎吋較大川辣口水雞：呢個用啲辣辣地嘅醬伴，酸酸辣辣咁，好開胃呀，好味呀！太白醉青瓜：諗住呢個會有多啲酒味，點知係帶甜味嘅？！奇怪在呢樣啦。青瓜又唔夠爽口呀，偏淋身。跟住就係點左啲炒蟶子呀，炒蜆呀咁，不過
約左當日兩點鐘，一入到去就覺得呢個場好大，起碼可以擺40席以上，加上裝潢都唔錯，唔會有一種好過時嘅感覺，始終呢度算係叫做遊客區嘛。
一坐低，當然就立刻睇下有乜點心好揀啦，呢度有張特別推薦嘅點心紙，每樣都係$28-38到，就揀下啦。同朋友商量完一輪，就揀左好幾樣個名比較特別嘅。
等點心嚟時，就睇下周圍嘅環境，諗下朋友結婚當晚會係點嘅情況。因為我地坐嘅係酒樓嘅最後一排，所以可以望到哂整個環境係點。誇張啲講，擺40圍以上絕對無問題呀！
等左約5分鐘，點心開始陸續到喇：
我地叫左：
七味雞軟骨：用左大量切碎嘅蒜頭爆，不過凍左就差啲，如熱食會好好味！
台式牛肉粒：呢個真係好食！一粒粒嘅牛肉加埋啲醬汁真係好快可以清哂！
爽脆牛筋片：佢係一片片切到好薄嘅牛筋片，呢個算係冷盤。係淡口左啲。
椒鹽魷魚鬚：一般嘅魷魚鬚....只係呎吋較大
川辣口水雞：呢個用啲辣辣地嘅醬伴，酸酸辣辣咁，好開胃呀，好味呀！
太白醉青瓜：諗住呢個會有多啲酒味，點知係帶甜味嘅？！奇怪在呢樣啦。青瓜又唔夠爽口
呀，偏淋身。
跟住就係點左啲炒蟶子呀，炒蜆呀咁，不過食呢啲當然係去大牌檔會好味好多啦～呢度都可以啦～
不過，不過，有一樣係一定要點嘅-就係流沙奶黃飽喇～ 一咬落去，流沙奶黃係奪飽而出，食慢啲都會流到成手都係，但真係好好味架！！！
總結今餐都係美滿嘅一餐，雖然試唔到啲乜野大菜式，但可以諗到朋友結婚時一定會好開心呀，首先喺度祝福佢先，哈～
Post