R&B (Closed)

今日約咗幾個女仔朋友tea聚。原本book左窗邊位，去到先知原來book錯日子🤣好彩我哋閒日三點去其實上面一個客都冇😬因為想影相我哋都係坐返窗邊位，但要留意返下晝時間有d位曬到正，個陽光仲會燦住隻眼，同埋都幾熱下，所以唔諗住影相記得坐返入面。由於我哋都係第一次嚟，每人叫咗一份野食。我點左自選all day breakfast，一個朋友點左小食，兩位各點左一個意粉（唔知點解當下冇諗過share）。點知嚟到就出事了🙈佢哋一個意粉既份量應該係夠兩個女仔食。結果放到成枱都係野食同食唔晒....意粉既話兩款都幾好味，一個好似係carbonara另一個綠色醬冇問到朋友係咩😬。朋友點既松露醬（幼）薯條都好好味，又香又脆。反而我嘅adf 就好普通了。因為冇餐全部單點既關係，埋單每人都二百幾蚊，其實都幾貴。但如果下次嚟唔再亂咁叫野食，應該百幾蚊都可以落樓既