Video
Read full review
2021-05-21
67 views
居港抗疫已經超過一年，實在好悶，是日假日，好想搵一間有異國風情嘅餐廳食個飯，relax下，無意中係openrice搵到呢間土瓜灣嘅日式居酒屋，好有日本風情，座位有分普通檯同埋吧檯，後者可以見到廚師為客人準備每一道菜式嘅過程，除此之外，門口仲有個日本巴士站位俾人影相，餐廳入面亦都有唔少日式商店嘅招牌，抗疫疲勞下黎呢度食下飯，打下卡，當去左日本，都係一個唔錯嘅選擇。刺身沙律：刺身沙律真係唔係好多機會食到，呢份沙律份量都算多，刺身都算足料，有四款刺身，包括我最愛嘅三文魚同吞拿魚，仲有好多蟹籽添呀。刺身全部都係厚切，入口相當肥美，加埋新鮮爽脆嘅沙律菜，配上柚子味嘅沙律汁，酸酸地，味道非常夾，食落好開胃。豚柳車厘茄卷：豚肉薄切後包住車厘茄，燒過後入口鹹中帶甜，咬落會爆汁，非常juicy，好有層次感。 明太子雞肉串：雞肉鋪上海量嘅明太子，肉質嫩滑多汁，配上味道濃郁嘅明太子，有多層口感，好好味呀。茄子／牛油燒粟米：茄子加入味粉燒過後好香，有別於一般燒肉店，呢度嘅燒茄子一d都唔油，唔錯。至於粟米，雖然份量比較少，但係都好有牛油香味。清酒煮海蜆：蜆肉大隻飽滿，用清酒煮過後，入口相當鮮甜，一份有六隻，如果
刺身沙律：
刺身沙律真係唔係好多機會食到，呢份沙律份量都算多，刺身都算足料，有四款刺身，包括我最愛嘅三文魚同吞拿魚，仲有好多蟹籽添呀。刺身全部都係厚切，入口相當肥美，加埋新鮮爽脆嘅沙律菜，配上柚子味嘅沙律汁，酸酸地，味道非常夾，食落好開胃。
豚柳車厘茄卷：
豚肉薄切後包住車厘茄，燒過後入口鹹中帶甜，咬落會爆汁，非常juicy，好有層次感。
明太子雞肉串：雞肉鋪上海量嘅明太子，肉質嫩滑多汁，配上味道濃郁嘅明太子，有多層口感，好好味呀。
茄子／牛油燒粟米：茄子加入味粉燒過後好香，有別於一般燒肉店，呢度嘅燒茄子一d都唔油，唔錯。至於粟米，雖然份量比較少，但係都好有牛油香味。
清酒煮海蜆：蜆肉大隻飽滿，用清酒煮過後，入口相當鮮甜，一份有六隻，如果可以多少少就更加好啦。
炸蝦天婦羅：
一份有三隻蝦同埋一隻青椒，炸粉唔會太厚，炸得香脆而唔油膩，賣相呈金黃色，非常吸引。
茶漬飯團（明太子）：茶漬飯又名茶泡飯，係一種將米飯同配料淋上茶或高湯一齊食用嘅日式料理。
茶漬飯團真係第一次試，好好奇茶點解可以混埋飯一齊食呢？飯團輕烤過後放入茶內，上面加入明太子，整體感覺唔錯﹐又可以去除油膩感。
十戶特選壽司（八貫）：八款壽司擺盤精美，其中較為有特色嘅包括吞拿魚小卷、吞拿魚腩、甜蝦、北寄貝同埋海膽。
吞拿魚非常肥美，甜蝦都啖啖肉，北寄貝新鮮爽口，海膽一d 腥味都無，值得一讚。
食日本野又點可以唔飲返d 清酒呀，店員推介我地試呢款，有淡淡果味，真係值得一試。
Post
