Casa Di Luna (Closed)

星期日夜晚同老公去食西餐。Set Dinner包前菜、餐湯、主菜、甜品同飲品。煎鴨肝配青蘋果黑醋汁鴨肝煎得岩岩好，口感軟綿綿，而且好肥美，充滿油脂感，配脆多士就岩晒。龍蝦湯味道濃郁，有隻蝦仁係湯到，熱辣辣幾好飲。香煎羊架配牛油薯蓉羊架有三隻，唔係細羊架個種，肉佔幾大部分，唔算有羶味，肉質軟嫩，好食。封門牛柳配野菌燒汁牛柳食得出係靚牛，肉質軟腍，熟度岩岩好，伴菜都係有綿滑既薯蓉、紅蘿蔔同蘆筍。Casa di Luna 提拉米蘇Tiramisu入口即溶，係近期食過最好食既tiramisu，好正。餐飲叫左凍檸茶同熱咖啡。