Video
Read full review
2022-10-25
90 views
🏮睿・居酒屋🏮大坑出名多美食，呢次專登走入來試一試呢間睿・居酒屋。喺網上睇相已經覺得非常吸引，來到就更加覺得：冇來錯！首先係環境，雖然店舖面積唔大，但店嘅裝修極之用心，係日式嘅庭園風，有各種植物圍繞以木材為主調嘅建築，令人有一種去咗日本嘅感覺。而店員嘅服務態度都好好，好專業，令客人好感受到被款待。喺日式居酒屋食嘢，唔單止係食食物，更加係食一個配套：環境、氣氛、食物嘅擺盤（簡直係藝術品）、服務等等，而呢間居酒屋係實至名歸的。食物方面，先叫一碟前菜(枝豆)($28)。用醬油浸泡過，有微微嘅清甜味嘅枝豆，係好開胃嘅前菜！另一款小食係鱈魚魚干($68)。烤得非常恰度好處，做到香脆之餘，又唔會有焦味。鱈魚魚干嘅魚香好香濃，絕對絕對唔係普通嘅魚干。配搭沙律醬咁食，每一啖都係享受，令我忍唔住點多咗一杯Sapporo生啤500ml ($78)。刺身方面，今晚靚材料係薄切鮫鰈魚刺身($288)。相信師傅係一位好有技藝、對食物好有要求嘅師傅，Serve出嚟嘅刺身盤簡直可以話係藝術品：每一片刺身嘅薄度非常一致，而且係晶瑩透薄。配搭柚子醬油，令本來清淡嘅鮫鰈魚刺身提昇去到另一個層次，係視覺與味覺嘅享受。除咗魚
大坑出名多美食，呢次專登走入來試一試呢間睿・居酒屋。喺網上睇相已經覺得非常吸引，來到就更加覺得：冇來錯！
首先係環境，雖然店舖面積唔大，但店嘅裝修極之用心，係日式嘅庭園風，有各種植物圍繞以木材為主調嘅建築，令人有一種去咗日本嘅感覺。而店員嘅服務態度都好好，好專業，令客人好感受到被款待。喺日式居酒屋食嘢，唔單止係食食物，更加係食一個配套：環境、氣氛、食物嘅擺盤（簡直係藝術品）、服務等等，而呢間居酒屋係實至名歸的。
食物方面，先叫一碟前菜(枝豆)($28)。
用醬油浸泡過，有微微嘅清甜味嘅枝豆，係好開胃嘅前菜！
另一款小食係鱈魚魚干($68)。
烤得非常恰度好處，做到香脆之餘，又唔會有焦味。鱈魚魚干嘅魚香好香濃，絕對絕對唔係普通嘅魚干。配搭沙律醬咁食，每一啖都係享受，令我忍唔住點多咗一杯Sapporo生啤500ml ($78)。
刺身方面，今晚靚材料係薄切鮫鰈魚刺身($288)。
相信師傅係一位好有技藝、對食物好有要求嘅師傅，Serve出嚟嘅刺身盤簡直可以話係藝術品：每一片刺身嘅薄度非常一致，而且係晶瑩透薄。配搭柚子醬油，令本來清淡嘅鮫鰈魚刺身提昇去到另一個層次，係視覺與味覺嘅享受。除咗魚身刺身，亦有兩塊脂肪部位，每一啖都流露出濃濃嘅魚油香，真係會想一再品嚐。大讚！
西京燒銀雪魚 ($168)。
西京燒是指以西京漬醃魚肉後再直接燒的料理，呢一碟西京燒銀雪魚煮得非常之好：每一啖魚肉都充滿清甜嘅味道，加上微微嘅燒烤香味，令人會想細細品嚐每一啖，以確保冇浪費師傅嘅心思。大力推薦呢道菜，絕對值得。
芝士免治雞肉棒 ($48@)。
免治雞肉加上厚切嘅Cream Cheese，再拎去烤，配日本蛋黃做「醬汁」，又係另一個極致嘅配搭。佢嘅免治雞肉每一啖都有軟骨，口感豐富。作為芝士愛好者，呢一款串燒令我有種飄飄欲仙嘅感覺。
清酒煮蜆 ($118)。
最後係呢一大碗清酒煮蜆，有好充足嘅大蔥吊味，加上大大隻蜆，釋放出海鮮嘅鮮甜，湯底一流。師傅好有心思，加咗粉絲落去，令到客人可以享受埋個湯底。
呢一餐真係一種享受，令呢次大坑之旅畫上圓滿句號。
大大大大大大滿足！
Post
