Video
Read full review
2008-08-09
11 views
一行九男女....又地鐵又的士...千里迢迢走入八鄉......一入門口已感興奮.....成班人低低能能地影左D扮旅遊相.....完全唔理其他人奇怪的眼光 (之後咪大把人跟風)......去到海鮮檔.....兩眼發光....係咁點...呢樣要...果樣又做....幾個人笑到痴左線....美食包括:長腳蟹腳 - 要黎燒.....一D調味都冇落....鮮甜味美...呢個係全晚最貴的...兩條蟹腳要成 $560...老虎蝦 - 咖喱煮...好大隻....啖啖肉....早知燒黎食....應該會好正.....但係咖喱又唔錯...另外叫左蒜蓉飽 (但係個飽太硬..又唔夠蒜香...早知要白飯算).....蟶子皇 - 豉椒煮....肉質好爽....有朋友話有沙...好彩我食唔到日本扇貝 - 勁大隻....蒜蓉燒....我覺得OK...但朋友話一般....雜菜 - 係海鮮檔自己揀...係一D比較特別的泰國菜...如: 泰國茄子 (圓碌碌果D)...椰菜苗....白茄子....等等....我地夾左一袋...亞姐話會用馬拉盞炒....可惜上到台...變左疑似茄汁物體....味道怪怪...(埋單至知呢碟菜要成
去到海鮮檔.....兩眼發光....係咁點...呢樣要...果樣又做....幾個人笑到痴左線....美食包括:
長腳蟹腳 - 要黎燒.....一D調味都冇落....鮮甜味美...呢個係全晚最貴的...兩條蟹腳要成 $560...
老虎蝦 - 咖喱煮...好大隻....啖啖肉....早知燒黎食....應該會好正.....但係咖喱又唔錯...另外叫左蒜蓉飽 (但係個飽太硬..又唔夠蒜香...早知要白飯算).....
蟶子皇 - 豉椒煮....肉質好爽....有朋友話有沙...好彩我食唔到
日本扇貝 - 勁大隻....蒜蓉燒....我覺得OK...但朋友話一般....
雜菜 - 係海鮮檔自己揀...係一D比較特別的泰國菜...如: 泰國茄子 (圓碌碌果D)...椰菜苗....白茄子....等等....我地夾左一袋...亞姐話會用馬拉盞炒....可惜上到台...變左疑似茄汁物體....味道怪怪...(埋單至知呢碟菜要成 $170...超唔抵)
小食拼盤 - 蝦餅: 超彈牙....好好味; 炸蕃薯: 睇佢個樣估唔到....切到一條條絲...再炸....甜甜地...幾好食; 沙爹: 雞肉同牛肉都好味.....係牛肉 un 左D; 春卷: 一般
鐵板蠔仔旦 - 食評話好正...但我覺得一般...其實我好鐘意食呢味菜...但呢碟實在失色....
爐魚 - 個爐搖搖欲墜...火又大....個鐵碟又細....魚上邊又多菜....大家都好似玩緊層層叠咁好怕落手.....
炒金邊粉 - 普通貨色....賣相靚...但味道好普通
每人叫左杯飲品....自己要左椰青....其實自己唔嗜椰青...只係其他揀唔落手先要呢個....但係呢個椰青超好味....清甜之外...D椰青肉仲要勁滑....好似食緊豆腐咁.....
埋單 $3XXX
係貴....不過耐唔耐一次唧.....大家食到咁開心...冇所謂啦....何況一半價錢係俾裝修環境....一半海鮮.....OK 架啦.....
P.S. 大熱天時...又郊區....店員都好細心地係每台台底擺放蚊香....唔止冇臭味...仲冇蚊埋身....抵讚.....
P.S. 2 雖然係室外...冇冷氣...但有幾部大型風機吹住....完全唔覺熱......抵佢賺
P.S. 3 訂台不防訂早D...因為七點都全院满座......食完野食...店員即收碟...甜品都唔問要唔要....似趕客...走果陣 8點...出邊原來排緊隊....犀利....
Post
