Video
Read full review
2017-06-25
1126 views
是日同一班朋友嚟午餐。食物水準係唔錯的，不過發生咗件事，大大影響對呢間鋪嘅印象。詳細可以睇最下面。午餐包餐湯同主菜，是日餐湯係甘荀湯，打得幾creamy，但唔夠熱。主菜叫咗紅酒汁鴨胸配意粉。估唔到$53有咁大件鴨胸煎得幾香，不過個意粉煮得有Ｄ油，早知配飯啦。另外加咗杯熱即磨咖啡，+$8。杯啡就差D喇，細杯到好似espresso咁，而且奶唔係自己落，佢落咗好多奶，成杯啡得返奶味。唔值得俾多$8加杯咖啡。好喇，講完食物，講吓服務。有個好似係老闆、鬼鬼地嘅男子，服務唔錯嘅。不過…話說我地有幾個朋友分別外遊完，飲完湯，主菜未嚟，咪分吓手信囉。全部係獨立包裝嘅零食。分完我地放住Ｄ手信係枱面先，但掂都冇掂過，莫講話食。然後有個身型頗胖嘅女店員行埋嚟，指住枱上嘅零食，語氣麻麻咁話我地唔准食外來食物！嘩，咩事呀，放係度冇掂過都老屈我地食？我地即刻話「分手信啫，完全冇食過，亦冇打算而家食」佢仲兜話「提醒吓啫。」即係咁，我去過唔少餐廳度聚會，當中都有分發手信環節，但今次係第一次遇到咁嘅事。仲要俾人老屈。好有趣。我地廢事個肥店員再阿支阿左，唯有收返埋Ｄ零食先。奉勸大家，如果買咗咩零食或者買完餸，再嚟呢間鋪，
食物水準係唔錯的，不過發生咗件事，大大影響對呢間鋪嘅印象。
詳細可以睇最下面。
午餐包餐湯同主菜，
是日餐湯係甘荀湯，打得幾creamy，但唔夠熱。
主菜叫咗紅酒汁鴨胸配意粉。
估唔到$53有咁大件鴨胸
煎得幾香，不過個意粉煮得有Ｄ油，早知配飯啦。
另外加咗杯熱即磨咖啡，+$8。
杯啡就差D喇，細杯到好似espresso咁，
而且奶唔係自己落，佢落咗好多奶，成杯啡得返奶味。
唔值得俾多$8加杯咖啡。
好喇，講完食物，講吓服務。
有個好似係老闆、鬼鬼地嘅男子，服務唔錯嘅。不過…
話說我地有幾個朋友分別外遊完，
飲完湯，主菜未嚟，咪分吓手信囉。全部係獨立包裝嘅零食。
分完我地放住Ｄ手信係枱面先，但掂都冇掂過，莫講話食。
然後有個身型頗胖嘅女店員行埋嚟，指住枱上嘅零食，
語氣麻麻咁話我地唔准食外來食物！
嘩，咩事呀，放係度冇掂過都老屈我地食？
我地即刻話「分手信啫，完全冇食過，亦冇打算而家食」
佢仲兜話「提醒吓啫。」
即係咁，我去過唔少餐廳度聚會，當中都有分發手信環節，
但今次係第一次遇到咁嘅事。仲要俾人老屈。好有趣。
我地廢事個肥店員再阿支阿左，唯有收返埋Ｄ零食先。
奉勸大家，如果買咗咩零食或者買完餸，再嚟呢間鋪，
千其千其唔好放上枱面呀，會俾人老屈你食外來食物架！！
Post