Video
Read full review
2024-06-06
1683 views
話說我地一行三人5月14日去食dinner 無預約 樓下負責安排入座個位女士同我地講坐樓上 同人搭檯 無時間限制 可以坐耐D我地於是上去樓上樓面負責接待嗰位阿姐一坐低已經不停催促我地落order連睇menu都要係隔離不停俾意見同佢講我地未得住依然不停催促我地大約7點入座點埋菜、上菜 都接近7點半我地三個女仔 一向食嘢唔係狼吞虎嚥點咗三餸 份量也不算少 同埋知道無時間限制咁我地慢慢食 慢慢傾期間係其他客人入座 慢慢坐滿咗樓上氣氛本身幾好我地後尾又加點了一個餸8點嘅時候聽到樓面阿姐的walkie好大聲傳來樓下嘅聲音 對自己同事都幾無禮貌係呼喝式問佢：第一檯入嘅客食完未 叫佢地8:15pm還檯！跟住阿姐走來同我地講 原來係講緊我地 即係我地係聽住樓下位女士呼喝式要求我地還檯我地同阿姐講：頭先樓下安排入座係同我地講 無時間限制wo阿姐都唔知點講 只係好為難咁拋下一句 你地食到8:15pm還檯啦 好嘛Huh？梗係唔好啦！我同阿姐講 樓下唔係咁同我地講 我地唔會8:15還檯跟住樓下個位女子係親自上來 叫我地還檯我地理性同佢溝通 講多次頭先佢本人安排入座點同我地講佢忽然好大聲當住所有客人面前回應我地
話說我地一行三人
5月14日去食dinner
無預約
樓下負責安排入座個位女士同我地講
坐樓上 同人搭檯 無時間限制 可以坐耐D
我地於是上去樓上
樓面負責接待嗰位阿姐
一坐低已經不停催促我地落order
連睇menu都要係隔離不停俾意見
同佢講我地未得住
依然不停催促
我地大約7點入座
點埋菜、上菜 都接近7點半
我地三個女仔 一向食嘢唔係狼吞虎嚥
點咗三餸 份量也不算少 同埋知道無時間限制
咁我地慢慢食 慢慢傾
期間係其他客人入座 慢慢坐滿咗樓上氣氛本身幾好
我地後尾又加點了一個餸
8點嘅時候
聽到樓面阿姐的walkie好大聲傳來樓下嘅聲音 對自己同事都幾無禮貌
係呼喝式問佢：第一檯入嘅客食完未 叫佢地8:15pm還檯！
跟住阿姐走來同我地講 原來係講緊我地
即係我地係聽住樓下位女士呼喝式要求我地還檯
我地同阿姐講：頭先樓下安排入座係同我地講 無時間限制wo
阿姐都唔知點講
只係好為難咁拋下一句 你地食到8:15pm還檯啦 好嘛
Huh？梗係唔好啦！
我同阿姐講 樓下唔係咁同我地講 我地唔會8:15還檯
跟住樓下個位女子係親自上來 叫我地還檯
我地理性同佢溝通 講多次頭先佢本人安排入座點同我地講
佢忽然好大聲當住所有客人面前回應我地： 「我肯定無咁講過 一定係有誤會 唔好意思 我諗你地肯定誤會咗啦 你地盡快啦 好嘛」
好大聲 完全係一副「我大聲 唔代表我無禮貌」 嘅態度
大聲到全層樓 知同唔知發生咩事 都聽見佢「請求」我地盡快還檯
對我地來講 係好尷尬嘅事
我地無打算要咁樣引起全層注目
佢講完轉身走咗
跟住隔離一檯客人
啱啱好食完 本身係度傾計
可能唔想大家難做啦
就成檯人起身埋單
我地其實都好無癮
亦都隨即起身埋單
講真 我地係咪唔可以快些還檯呢
當然唔係啦
其實我地都食得七七八八
讓張檯出來唔係難事
讓我地過唔去嘅 係舖頭嗰位女士嘅態度
呢位安排入座嘅女士真係講無時間限制
我地幾個人 幾對耳聽住 我都好肯定我地無聽錯
點解佢唔肯接受自己有講過呢？
憑甚麼「肯定」自己無講錯呢？
忙中有亂係常事
開舖迎客 係咁樣同客人爭論對錯
「肯定」客人你有誤會的嗎？
walkie裡面呼喝自己staff無禮貌 我都費事理
你地內部做老闆對staff差 我管不著
但係 你當眾企圖大聲「宣告」客人「誤會」 你
我身為客人 俾錢買難受
真係
非常
非常
非常
唔高興
氣難下
認真 點解呢位女士唔可以同客人商量 而係擅自幫客人決定 幾時還檯？
做飲食服務業唔係第一日
軟性請求嘅話語都唔識講？
簡單如「唔好意思 今日舖頭比較多人等檯 如果你地唔介意 方便早D俾返張檯我地嘛？幫幫忙呀 好多謝你體諒 真係唔好意思」
都唔識講？唔係啩？
定係平時對客都好似對staff咁差
所以真係無咁嘅意識？
真係無從得知
我只知道 我地花著幾百蚊
買一餐難受
呢一餐
我地抱著支持本地老店
嚐嚐懷舊菜式興奮心情而來
但係
因為一個人嘅無禮
敗興而歸
唔會再幫襯第二次
Post