鈴木珈啡館 (Closed)

平安夜當日公司有得早放，放工就出左旺角行街睇戲，想食個晏但成個food court都勁多人等位，於是上左上層嘅鈴木咖啡廳食，唔使排隊就有位，侍應仲幾有禮貌。叫左兩份set lunch，先來個甘筍忌廉湯，幾新款，有甘筍味不過無忌廉味，好傑身，我個人比較喜歡一般的白湯，而友人完全不喜歡此湯的味道和口感，最後被我ko了兩碗。溫泉蛋肉醬意粉，上面有四條芝士乾……不過無芝味，我想佢地係裝飾用？不過唔見得有美感。肉醬又係好一般，茄膏味，有點酸，同隻蛋有啲唔夾，意粉韌度就唔錯。溫泉蛋卡邦尼煙肉洋蔥意粉，蛋汁撈埋卡邦尼汁幾夾，好香蛋味，不過汁略欷未能掛在意粉上，煙肉配洋蔥基本上係穩陣組合，都唔會難食。是日餐飲係甘筍萍果汁，甘筍容好有口感，但味道一般，打著健康名號還是把它喝完。整餐未能留下太大印象，唯環境幾好，好靜高樓底，侍應基本上落完單就唔會再出現煩你，傾下計都係一個選擇。