Video
Read full review
2018-01-09
2821 views
有一日同屋企人講開，好耐無食過燒肉，坐言起行 ，book之前食過嘅伊賀，佢係日式燒肉，原來四人仲送海鮮拼盤，家姐最鍾意食海鮮，咁就最好不過了! 說好的海鮮拼盤有青口，帶殼鮮蠔，帶子，蟶子同象蛂蚌， 雖然就唔係好靚嘅料，但都絕對可以止吓癮..燒燒吓見到如果任飲就要加$30，但見到有道地薑茶，道地菊蜜，可口可樂，零度可樂，而唔係cheap cheap牌汽水或無乜汽嘅百事，就全部都加錢飲，任飲先夠暢快！ 估唔到燒肉放題，除左有蟹籽沙律之外，仲有伊賀沙律 胡麻蕃茄沙律，但有凱撒沙律菜都新鮮，啲汁都像樣，所以都有encore,食咁多燒肉，食啲鮮菜平衡吓. 燒肉都有好多選擇，有香口嘅安格斯牛小排，有咬口嘅伊賀一口牛，伯爵茶漬羊片，滋味日式五花义燒，夠曬辣嘅地獄雞中翼，最開心嘅係用錫紙盤仔放左啲粟米粒式金菇，食燒肉之餘仲可以燒吓啲野菜類，之後仲點左啲即叫即製壽司，有花之戀，鰻魚卷等，另外仲有火炙系列同軍艦系列. 食飽飽就有店員問雪糕要咩味，有士多啤梨，朱古力同雲呢拿味，士多啤梨味有少許果肉，酸酸味同甜甜地，滿足胃部，食後心情舒暢.正如好多人說，人 越大，個胃越細，唔食得好多嘢，其實我
說好的海鮮拼盤有青口，帶殼鮮蠔，帶子，蟶子同象蛂蚌， 雖然就唔係好靚嘅料，但都絕對可以止吓癮..燒燒吓見到如果任飲就要加$30，但見到有道地薑茶，道地菊蜜，可口可樂，零度可樂，而唔係cheap cheap牌汽水或無乜汽嘅百事，就全部都加錢飲，任飲先夠暢快！
估唔到燒肉放題，除左有蟹籽沙律之外，仲有伊賀沙律 胡麻蕃茄沙律，但有凱撒沙律菜都新鮮，啲汁都像樣，所以都有encore,食咁多燒肉，食啲鮮菜平衡吓.
燒肉都有好多選擇，有香口嘅安格斯牛小排，有咬口嘅伊賀一口牛，伯爵茶漬羊片，滋味日式五花义燒，夠曬辣嘅地獄雞中翼，最開心嘅係用錫紙盤仔放左啲粟米粒式金菇，食燒肉之餘仲可以燒吓啲野菜類，之後仲點左啲即叫即製壽司，有花之戀，鰻魚卷等，另外仲有火炙系列同軍艦系列.
食飽飽就有店員問雪糕要咩味，有士多啤梨，朱古力同雲呢拿味，士多啤梨味有少許果肉，酸酸味同甜甜地，滿足胃部，食後心情舒暢.
正如好多人說，人 越大，個胃越細，唔食得好多嘢，其實我地五個人，都唔係食得好多，因為menu內有更多好嘅選擇，比一般放題店更多選擇，多想燒肉，又想壽司 刺身，又想沙律，就嚟呢間啦！
為免誤會, 先自聲明, 是次係自費活動.
Post
