築間幸福鍋物

來自台灣嘅築間幸福鍋物，一入到去餐廳就聽到好標準嘅國語，好似瞬間飛到台灣一樣，店員服務都好好。分別叫左極上無骨牛小排鍋同海鮮總匯鍋。另外配上鮮菇奶香湯同鎮店招牌石頭湯。鮮菇奶香湯奶白色嘅湯底，聞落奶香味超重，入面嘅鮮菇加埋湯底一齊煮，食落好香甜甜的。牛小排色澤好靚，食落肉味香濃，加落鮮菇奶香湯到煮後特別香甜，但又唔會蓋住肉嘅味道。推介加埋粉絲落去鮮菇奶香湯到煮，粉絲索哂個湯嘅奶香味，好有味道超正。鎮店招牌石頭湯聞落有蒜香味，湯入面有魷魚乾同埋菇，煮滾左之後味道更香。海鮮超級豐富，有魷魚 蝦 蜆 蠔同魚。食落所有海鮮都好新鮮，蝦咬落好彈牙，蠔嘅鮮味都好重。加落石頭湯到煮就保留到海鮮嘅鮮味。跟餐嘅蒜片豬油飯蒜片好香脆，加埋邪惡嘅豬油，簡直係無敵。自助區選擇都唔少特別推薦芋頭丸，蝦滑同魷魚滑都相當足料入口彈牙。飲品就叫左阿里山烏龍冷泡茶同冬瓜檸檬。焦糖布蕾嘅焦糖面燒到好香脆，布丁既滑又香甜。