Video
Read full review
2021-03-18
80 views
近期深水埗開咗好多cafe，咩特色都有，搜尋過一陣，反而對呢間「楓子珈琲」一見鍾情。其實佢位處深水埗同太子之間，當日由太子行過去，都要10分鐘左右。地點亦頗偏僻，附近無甚商鋪。雖然係咁，仍不免要等位。楓子裝潢走懷舊日式cafe路線，深木色枱椅，懷舊裝飾（特別鍾意咖啡機旁邊的玻璃櫃），配我最愛fire king杯碟，感覺有點似以前去過東京下北沢一家cafe。第一次來想試飲特別啲嘅，fongi maple latte（熱$40）喺latte加入左少少楓糖漿，但唔係好甜，奶味同咖啡味都算平衡（有啲店的latte太重奶味），咖啡亦唔酸唔苦，好易入口。甜點選擇唔多，最熱賣係天使之鈴，其實即係法式甜品canele，以前喺日本食過，外脆內軟好好食，不過今次可能遲去，已經賣晒，唯有是但點斑蘭咖央椰子戚風蛋糕（$38），竟然幾有驚喜，斑蘭帶清香，椰絲微甜，蛋糕鬆軟，全部配合得好好，一啖咖啡一啖蛋糕非常地夾。順帶一提，呢度7點關門，有心去食canele，同埋要預等位同關門時間，就要早啲去。
其實佢位處深水埗同太子之間，當日由太子行過去，都要10分鐘左右。地點亦頗偏僻，附近無甚商鋪。雖然係咁，仍不免要等位。
楓子裝潢走懷舊日式cafe路線，深木色枱椅，懷舊裝飾（特別鍾意咖啡機旁邊的玻璃櫃），配我最愛fire king杯碟，感覺有點似以前去過東京下北沢一家cafe。
第一次來想試飲特別啲嘅，fongi maple latte（熱$40）喺latte加入左少少楓糖漿，但唔係好甜，奶味同咖啡味都算平衡（有啲店的latte太重奶味），咖啡亦唔酸唔苦，好易入口。
甜點選擇唔多，最熱賣係天使之鈴，其實即係法式甜品canele，以前喺日本食過，外脆內軟好好食，不過今次可能遲去，已經賣晒，唯有是但點斑蘭咖央椰子戚風蛋糕（$38），竟然幾有驚喜，斑蘭帶清香，椰絲微甜，蛋糕鬆軟，全部配合得好好，一啖咖啡一啖蛋糕非常地夾。
順帶一提，呢度7點關門，有心去食canele，同埋要預等位同關門時間，就要早啲去。
Post
