十二味 (山市樓) (Closed)

喺西環尾嘅餐廳其實不容易生存，見到有好多餐廳開有好多餐廳執。但係你估唔到星期日嘅夜晚，你到呢間十二味餐廳真係多人到呢。我見呢佢嘅食物款式唔算特別多但係價格實惠，今次同朋友一行八人一齊食飯。點左一啲餸呢我覺得幾值得介紹。第一個呢就係水煮牛肉，分量超多兩個人肯定食唔晒，裏邊仲有我最喜歡嘅薯粉，以及滑脫脫牛肉，質感香而且帶點麻味。令人10分開胃。接着呢就係呢一個蒜香嘅小龍蝦1公斤大概$168，小龍蝦唔好食太多不過有陣時過下口癮都不錯㗎！龍蝦肉質鮮嫩而且配合想萵筍蒜蓉食落去健康不油膩，分量十足。淨係個顏色配搭我已經覺得十分之靚，令到我有機會喺香港懷緬一下上次去上海狂食小龍蝦嘅回憶。飲品方面強烈推薦佢哋呢度嘅解渴酸梅湯，清甜而不會過甜。大杯而且解啦。另外一個解密兩方呢就係冰粉啦，雖然呢度嘅冰粉呢就比較簡單但係都好美味而且唔會過甜適合香港人飲。甜品一定要叫呢個，死啦我唔記得左叫咩名。是但啦總之煙煙銀銀好似麻薯咁樣，配上砂糖同糖漿瞬間清冽。一個人唔使$200，服務周到環境舒適唔怪之得咁多人排隊啦！