Video
Read full review
2024-06-22
444 views
見呢間店咁多人排隊，以為好好食，所以5月份抱著期望咪同屋企人去試吓！入到店內，第一個感覺就係好唔舒服，因為店舖唔大，而且座位好密好迫夾，近乎背對背坐！ 心諗，只要食物好味就得，環境有時未必一定要排首位。 於是點咗個排骨麵餐、擔擔麵、生煎包半打！排骨麵餐： 呢個先到，所以我襯熱食先。 排骨室溫又油！ 跟住食啖麵啦，麵又好淋、無咬口，出去食上海麵真係未遇過咁嘅情況！ 飲啖湯，味極淡，所以整個麵，無論餸、麵、湯，都好差！ 輪到杯豆漿，個杯細到好似酒樓飲茶嗰隻杯咁，相比只係大少少！ 豆漿唔係免費送ka，洗唔洗咁孤寒呀！？ 當然，豆漿味道都無咩好講啦！食到跟餐嗰個生煎包，又唔熱又乾，中間無汁、個底好硬，可能係煮過龍所致！然後，半打生煎包到啦，今次呢半打生煎包就熱嘅、中間有汁，但問題係我食唔到肉嘅鮮味！我個餐都食咗一半有多，份擔擔麵仲未上，咪追吓單囉，個男侍應阿叔粗聲粗氣，都係嗰啲hea回應，雖然未至於無禮貌，但語氣行為令人不好受！擔擔麵終於出場啦，但我已經無晒心情，相都唔影啦，目測都係好一般！總結：今次食物唔好食，遠低於期望。 座位迫夾，體驗極差！ 寫咁長，係希望將今次中伏嘅經歷講俾大家知，
入到店內，第一個感覺就係好唔舒服，因為店舖唔大，而且座位好密好迫夾，近乎背對背坐！ 心諗，只要食物好味就得，環境有時未必一定要排首位。 於是點咗個排骨麵餐、擔擔麵、生煎包半打！
排骨麵餐： 呢個先到，所以我襯熱食先。 排骨室溫又油！ 跟住食啖麵啦，麵又好淋、無咬口，出去食上海麵真係未遇過咁嘅情況！ 飲啖湯，味極淡，所以整個麵，無論餸、麵、湯，都好差！
輪到杯豆漿，個杯細到好似酒樓飲茶嗰隻杯咁，相比只係大少少！ 豆漿唔係免費送ka，洗唔洗咁孤寒呀！？ 當然，豆漿味道都無咩好講啦！
食到跟餐嗰個生煎包，又唔熱又乾，中間無汁、個底好硬，可能係煮過龍所致！
然後，半打生煎包到啦，今次呢半打生煎包就熱嘅、中間有汁，但問題係我食唔到肉嘅鮮味！
我個餐都食咗一半有多，份擔擔麵仲未上，咪追吓單囉，個男侍應阿叔粗聲粗氣，都係嗰啲hea回應，雖然未至於無禮貌，但語氣行為令人不好受！
擔擔麵終於出場啦，但我已經無晒心情，相都唔影啦，目測都係好一般！
總結：今次食物唔好食，遠低於期望。 座位迫夾，體驗極差！ 寫咁長，係希望將今次中伏嘅經歷講俾大家知，信不信由你啦！
Post
